കുണ്ടയാർ പാലം പുനർനിർമ്മാണം; ദുരവസ്ഥക്ക് പരിഹാരം കാണണമെന്ന് യു.ഡി.എഫ്:

എടപ്പാൾ: കാലടി പഞ്ചായത്തിലെ കുണ്ടയാർ പാലം പുനർ:നിർമ്മാണം ഭാഗികമായി പൂർത്തീകരിച്ച് വർഷങ്ങൾ കഴിഞ്ഞിട്ടും അനുബന്ധ പ്രവൃത്തികൾ പൂർത്തീകരിക്കാൻ PWD ക്ക് കഴിഞ്ഞില്ലെന്ന് കാലടി യു ഡി എഫ് കമ്മിറ്റി.

കാലടി പഞ്ചായത്തിലെ കുണ്ടയാർ പാലം പുനർ നിർമ്മിക്കുന്നതിന്റെ ഭാഗമായി യാതൊരു മുന്നറിയിപ്പ് പോലും ഇല്ലാതെ ഗ്രാമ പഞ്ചായത്തിനെ പോലും അറിയിക്കാതെ,  ഒരു ബദൽ സംവിധാനവും ഒരുക്കാതെ പാലം പൊളിച്ചിടുകയും, വളരെക്കാലം പാലം പ്രവൃത്തി നടത്താതെ ജനങ്ങളെയും നിരവധി പ്രധാന സ്കൂളുകളിലേക്ക് പോകുന്ന വിദ്യാത്ഥികളേയും പ്രയാസപ്പെടുത്തി ഒട്ടേറെ പ്രതിഷേധങ്ങൾക്കൊടുവിലാണ് പാലം പണി ഭാഗികമായി പൂർത്തീകരിച്ചത്. വർഷങ്ങൾ കഴിഞ്ഞിട്ടും ഇനിയും അനുബന്ധ പ്രവൃത്തികൾ പൂർത്തീകരിക്കാൻ PWD ക്ക് കഴിഞ്ഞില്ല. മഴക്കാലം വരുന്നതോടെ സൈഡ് വാൾ കെട്ടാതെ വലിയ ദുരന്തലേക്ക് പോകുന്ന അവസ്ഥയാണുള്ളത് , എത്രയും പെട്ടെന്ന് ഇതിന് പരിഹാരം കാണണമെന്ന് പദ്ധതി പ്രദേശം സന്ദർശിച്ചു കൊണ്ട് UDF കമ്മിറ്റി ആവശ്യപ്പെട്ടു.

UDF ചെയർമാൻ നൗഫൽ സി തണ്ടിലം, കൺവീനർ ബീരാവുണ്ണി എന്ന കുഞ്ഞാപ്പ, ഗ്രാമ പഞ്ചായത്ത് പ്രസിഡന്റ് അസ്‌ലം തിരുത്തി, പി കുഞ്ഞിപ്പ ഹാജി,  റഷീദ് കെപി, അബൂബക്കർ ഹാജി, പ്രകാശൻ കാലടി , കെജി ബാബു, സുരേഷ് ബാബു നരിപ്പറമ്പ് , പി ടി എം എ മജീദ് , vv മുഹമ്മദ് കുട്ടി , കെവി ഷാഫി തുടങ്ങിയവർ പങ്കെടുത്തു.