സഹകരണമേഖല വഴി നടപ്പാക്കുന്ന വായ്പാ പദ്ധതികൾക്ക് തവനൂർ സർവീസ് സഹകരണ ബാങ്കിൽ തുടക്കമായി:

തവനൂർ: സംസ്ഥാന സർക്കാറിന്റെ നൂറ് ദിന കർമ്മ പരിപാടിയിൽ ഉൾപ്പെടുത്തി സഹകരണമേഖല വഴി നടപ്പാക്കുന്ന വായ്പാ പദ്ധതികൾക്ക് തവനൂർ സർവീസ് സഹകരണ ബാങ്കിൽ തുടക്കമായി.

സർവരാജ്യ തൊഴിലാളിദിനമായ മെയ് 1ന്  ഓട്ടോറിക്ഷാ തൊഴിലാളികൾക്ക് ഓട്ടോ മെയ്ന്റനൻസ് ആവശ്യത്തിന് വായ്പ നൽകിയാണ് തുടക്കം. ചെറുകിട വഴിയോര കച്ചവടക്കാർ , സംരംഭകർ എന്നിവർക്കും പച്ചക്കറി നെൽകൃഷി ചെയ്യുന്ന ഗ്രൂപ്പുകൾക്കും വായ്പ ലഭ്യമാകും.

അയങ്കലത്ത് ബാങ്ക് പ്രസിഡണ്ട് പി. ജ്യോതി ഉദ്ഘാടനം ചെയ്തു. വൈസ് പ്രസിഡന്റ് അബ്ദുറഹ്മാൻ അധ്യക്ഷത വഹിച്ചു. ഡയറക്ടർമാരായ എം.ബാലചന്ദൻ, എം.ജയരാജ്, മാനേജർ ടി.സജിത്, മുസ്തഫ കെ.പി, നിമ, അബൂബക്കർ, നവ്യ.എം, പ്രമോദ്, ശശി സംസാരിച്ചു.