കോർപറേറ്റുകൾക്ക് വേണ്ടി മാത്രം ഭരണം നടത്തിക്കൊണ്ടിരിക്കുന്ന മോദി സർക്കാരിനെ താഴെ ഇറക്കും വരെ സമര പോരാട്ടം നടത്തേണ്ടത് രാജ്യത്തെ തൊഴിലാളികളുടെ ആവശ്യം ആണെന്ന് മലപ്പുറം ജില്ലാ കോൺഗ്രസ് ജനറൽ സെക്രട്ടറി അഡ്വ: സിദ്ധീഖ് പന്താവൂർ:

ചങ്ങരംകുളം: സാധാരണക്കാരുടെയും തൊഴിലാളികളുടെയും ഒരു പ്രശ്നത്തിലേക്കും ശ്രദ്ധ കാണിക്കാതെ കോർപറേറ്റുകൾക്ക് വേണ്ടി മാത്രം ഭരണം നടത്തിക്കൊണ്ടിരിക്കുന്ന തൊഴിലാളി വിരുദ്ധ മോദി സർക്കാരിനെ താഴെ ഇറക്കും വരെ സമര പോരാട്ടം നടത്തേണ്ടത് രാജ്യത്തെ തൊഴിലാളികളുടെ ആവശ്യം ആണെന്ന് മലപ്പുറം ജില്ലാ കോൺഗ്രസ് ജനറൽ സെക്രട്ടറി അഡ്വ. സിദ്ധീഖ് പന്താവൂർ പറഞ്ഞു.

ചങ്ങരംകുളത്ത് ഐ എൻ ടി യു സി മെയ്ദിന ആഘോഷ പരിപാടികൾ ഉദ്‌ഘാടനം ചെയ്തു സംസാരിക്കുക ആയിരുന്നു അദ്ദേഹം. പി ടി ഖാദർ അധ്യക്ഷം വഹിച്ചു. ഹുറൈർ കൊടക്കാട്ട്, എംടി ശരീഫ് മാസ്റ്റർ, അബ്ദു കിഴിക്കര, മജീദ് പാവിട്ടപ്പുറം, മുഹമ്മദ് ശരീഫ്, ഷമീർ ചമയം, ഹസീബ് കോക്കൂർ, യാഹു തുടങ്ങിയവർ പ്രസംഗിച്ചു.