ആലങ്കോട് കൃഷിഭവനിൽ നിന്നും സ്ഥലം മാറി പോകുന്ന ഉദ്യോഗസ്ഥർക്ക് യാത്രയയപ്പും അനുമോദന സദസ്സും നടത്തി :

ചങ്ങരകുളം: ആലങ്കോട് കൃഷിഭവനിൽ നിന്നും സ്ഥലം മാറി പോകുന്ന ഉദ്യോഗസ്ഥർക്ക് യാത്രയയപ്പും അനുമോദന സദസ്സും നടത്തി. ആലങ്കോട് കൃഷിഭവൻ പരിധിയിലെ പാടശേഖര സമിതികളും, കർഷകാരും ആണ് പരിപാടി സംഘടിപ്പിച്ചത്.

ചങ്ങരംകുളം ചിയ്യാനൂർ സ്കൂളിൽ നടന്ന പരിപാടി ആലങ്കോട് ഗ്രാമപഞ്ചായത്ത് പ്രസിഡണ്ട് കെ. വി. ഷഹീർ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡണ്ട് പ്രഭിത ടീച്ചർ അധ്യക്ഷത വഹിച്ചു.

ചടങ്ങിൽ പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർമാൻ മുഹമ്മദ് ശരീഫ്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സി കെ പ്രകാശൻ, ബ്ലോക്ക് പഞ്ചായത്ത് അംഗം കരുണാകരൻ, നന്നംമുക്ക് കൃഷി ഓഫീസർ വൃന്ദ, ആലങ്കോട് കൃഷി അസിസ്റ്റന്റ് മനോജ്, കർഷകർ എന്നിവർ പ്രസംഗിച്ചു. ഉദ്യോഗസ്ഥരായ പി.വി. വിനോബ്.പി.വി, വിജിത്ത് എൻ. പി. സുബീഷ് എന്നിവർക്കാണ് യാത്രയയപ്പ് നൽകിയത്.

ചടങ്ങിൽ പങ്കെടുത്തവർക്ക് കർഷകർ കൃഷി ചെയ്ത വെള്ളരി വിതരണം ചെയ്തു.