കെയർ വിഷൻ 2025 ൻ്റെ ഭാഗമായി നിർമിക്കാൻ ഉദ്ദേശിക്കുന്ന കെയർ വില്ലേജ് ബഹുനില കെട്ടിട സമുച്ചയത്തിൻ്റെ ശിലാസ്ഥാപന കർമ്മം നിർവ്വഹിച്ചു:

എടപ്പാൾ: സാമൂഹിക സേവന മേഖലയിലും ജീവകാരുണ്യ പ്രവർത്തന രംഗത്തും രണ്ട് വർഷത്തോളമായി എടപ്പാൾ ആസ്ഥാനമായി പ്രവർത്തിച്ചുകൊണ്ടിരിക്കുന്ന കെയർ ചാരിറ്റബിൾ ട്രസ്റ്റിൻ്റെ സ്വപ്ന പദ്ധതിയായ കെയർ വിഷൻ 2025 ൻ്റെ ഭാഗമായി നിർമിക്കാൻ ഉദ്ദേശിക്കുന്ന കെയർ വില്ലേജ് ബഹുനില കെട്ടിട സമുച്ചയത്തിൻ്റെ ശിലാസ്ഥാപന കർമ്മം ബഹു.എം.പി അബ്ദുസമദ് സമദാനി നിർവ്വഹിച്ചു.

എടപ്പാൾ ജംഗ്ഷനിൽ കെയർ ട്രസ്റ്റ് പ്രത്യേകം സജ്ജമാക്കിയ വേദിയിൽ വിവിധ രാഷ്ടീയ സാമൂഹിക, സാംസ്കാരിക, സന്നദ്ധ സംഘടനാ പ്രവർത്തകരും, നേതാക്കളും പങ്കെടുത്തു.

അബ്ദുസ്സമദ് സമദാനി എം.പി മുഖ്യ പ്രഭാഷണം നടത്തി. വി.ടി.ബൽറാം, സി.രാമകൃഷ്ണൻ, കഴുങ്കിൽ മജീദ്, അസ്ലം തിരുത്തി, പുരുഷോത്തമൻ, എന്നിവർ പ്രസംഗിച്ചു.

എൻ. അഷറഫ് മാസ്റ്റർ അധ്യക്ഷനായിരുന്നു. ഇ.പി.റഷീദ് സ്വാഗതവും, കെ.പി.ഇസ്മായിൽ നന്ദിയും പറഞ്ഞു. ശിലാസ്ഥാപന ചടങ്ങിൽ നൂറ്റിപ്പത്തോളം നിർധന കുടുംബങ്ങൾക്കും വിധവകൾക്കും ധനസഹായം വിതരണം ചെയ്തു.

അകാലത്തിൽ പൊലിഞ്ഞു പോയ ഡോ.ഐശ്വര്യയുടെ ദീപ്തസ്മരണകൾക്ക് മുമ്പിൽ ശിലാസ്ഥാപന വേദി സ്നേഹാഞ്ജലികൾ അർപ്പിച്ചു. മകളുടെ വിയോഗം തീർത്ത വേദനയോടെ കഴിയുന്ന ഭാസ്കരേട്ടൻ മോളുടെ പാവനസ്മരണക്കായ് കെയർ നിർമാണ ഫണ്ടിലേക്ക് നല്കിയ സംഭാവന സമദാനി എം.പി ഏറ്റുവാങ്ങി.