വൈവിധ്യത്തിന്റെ വർണ്ണവിസ്മയങ്ങളുമായ് പ്രതിഭാകേന്ദ്രത്തിന്റെ അവധിക്കാല ക്യാമ്പ്:

വട്ടംകുളം: കുറ്റിപ്പാല പ്രതിഭാകേന്ദ്രവും, ഗ്രാമീണ വായനശാലയും, ശാസ്ത്ര സാഹിത്യ പരിഷത്തും സംയുക്തമായി സംഘടിപ്പിച്ച അവധിക്കാല ക്യാമ്പ് കവി രാമകൃഷ്ണൻ കുമരനെല്ലൂരിന്റെ പക്ഷിനിരീക്ഷണ ക്ലാസോടെ ഉദ്ഘാടനം ചെയ്തു. തുടർന്നുള്ള ദിവസങ്ങളിൽ ശിവരാജൻ കിനവിലിന്റെ നമുക്കും സിനിമയെടുക്കാം എന്ന പരിപാടിയിൽ കുട്ടികളെ ഉൾപ്പെടുത്തി ഹൃസ്വ സിനിമ നിർമ്മിച്ചു. കൂടാതെ ശ്രീമതി അജിതയുടെ വീട്ടിലെ കൃഷിത്തോട്ട സന്ദർശനവും കുട്ടികൾക്ക് നവ്യാനുഭവമായി. കുട്ടികളുടെ കലാപരിപാടികളും അരങ്ങേറി ദേവരാജൻ നിനവിന്റെ പാട്ടൊരുക്കം പരിപാടിയോടെ ക്യാമ്പ് സമാപിച്ചു.

കർഷക സംഘം പ്രവർത്തകൻ പി. കുമാരൻ, വായനശാല പ്രസി : റസാഖ് മാസ്റ്റർ, സെക്രട്ടറി റഷീദ്, പി.എൻ ദിവാകരൻ എന്നിവർ ആശംസകളർപ്പിച്ചു. വാർഡ് മെമ്പർ സുധാകരൻ, പി.കൃഷ്ണൻ, എന്നിവർ മുഖ്യാതിഥികളായിരുന്നു. സിന്ധു (BRC എടപ്പാൾ) സ്വാഗതവും പ്രിയ. പി.കെ നന്ദിയും പറഞ്ഞു.