പ്രിയദർശിനി പാലിയേറ്റീവ് കെയർ സെന്റർ കെ.പി.സി.സി സെക്രട്ടറി ശ്രീ ആര്യാടൻ ഷൗക്കത്ത് ഉദ്ഘാടനം ചെയ്തു:

എടപ്പാൾ: പൊൽപ്പാക്കരയിൽ പ്രിയദർശിനി പാലിയേറ്റീവ് കെയർ സെന്റർ കെ.പി.സി.സി സെക്രട്ടറി ശ്രീ ആര്യാടൻ ഷൗക്കത്ത് ഉദ്ഘാടനം ചെയ്തു. പാവപ്പെട്ട രോഗികൾക്കാവശ്യമായ കട്ടിലുകൾ, വീൽ ചെയറുകൾ, വാക്കർ, എയർബെഡ്, ഓക്സിജൻ സിലിണ്ടർ, മരണപ്പെടുന്നവരുടെ ബോഡി സൂക്ഷിക്കുന്നതിനുള്ള ഫ്രീസർ എന്നിവ ഈ സെന്ററിൽ ഉണ്ടായിരിക്കും. കട്ടിലുകളുടെ സമർപ്പണം ശ്രീ.പി.ടി അജയ്‌മോഹൻ, വീൽ ചെയറുകൾ ശ്രീ.എം.വി ശ്രീധരൻ മാസ്റ്റർ , ഫ്രീസർ ശ്രീ.ആത്മജൻ പള്ളിപ്പാട് എന്നിവർ സമർപ്പിച്ചു.

പാലിയേറ്റിവ് കെയർ രംഗത്ത് പ്രവർത്തിക്കുന്നവരെ ശ്രീ.പി.എം മനോജ്‌ എമ്പ്രാന്തിരി ആദരിച്ചു. പഞ്ചായത്തിലെ മുഴുവൻ ആശ വർക്കർമാരെയും വേദിയിൽ ആദരിച്ചു. ചടങ്ങിൽ ശ്രീ.സുരേഷ് പൊൽപ്പാക്കര അധ്യക്ഷത വഹിച്ചു. ശ്രീ.സുദേവൻ സ്വാഗതവും മോഹനൻ നന്ദിയും പറഞ്ഞു. ശ്രീ എ.വി സുനിൽ, കബീർ, ശ്രീജ ചന്ദ്രൻ, എ.വി ശ്യാംജിത്ത്, രാജേഷ് ആദിയാട്ട്, ഇ.പി വേലായുധൻ, പി.പി ചക്കൻ കുട്ടി എന്നിവർ ആശംസകൾ അറിയിച്ചു.