‘തിരികെ’ കുടുംബ സംഗമം നടത്തി

കുമരനല്ലൂർ: കുമരനെല്ലൂർ ഗവണ്മെന്റ് ഹൈസ്ക്കൂൾ 1989/1990 ബാച്ച് പൂർവ്വ വിദ്യാർഥികൾ തിരികെ എന്ന പേരിൽ കുടുംബ സംഗമം കുമരനല്ലൂർ ഹൈസ്ക്കൂൾ ഓഡിറ്റോറിയത്തിൽ സംഘടിപ്പിച്ചു. പി ടി എ പ്രസിഡന്റ് മാധവൻ കുട്ടിയുടെ അധ്യക്ഷതയിൽ എച്ച് എം സി കെ സുനിത ടീച്ചർ ഉദ്ഘാടനം ചെയ്തു. ഷീബ,സിനി,ഹൈദരലി പി, ജയൻ എളയടത്ത്, മണിഎളയടത്ത് എന്നിവർ ആശംസകൾ നേർന്നു.

എസ് എസ് എൽ സി പരീക്ഷയിൽ 100 ശതമാനം വിജയം നേടിയ സ്‌കൂളിനുള്ള ഉപഹാരം ഭാരവാഹികൾ എച്ച്.എം ന് സമർപ്പിച്ചു. റഫീഖ് സിപി റിപ്പോർട്ട്‌ അവതരിപ്പിച്ചു. എസ്.എസ്.എൽ.സി, പ്ലസ് 2 പരീക്ഷയിൽ വിജയിച്ച അംഗങ്ങളുടെ മക്കൾക്കുള്ള ഉപഹാരസമർപ്പണവും നടന്നു. സാലിഹ് ടി സ്വാഗതവും, കെ അമീൻ മാസ്റ്റർ നന്ദിയും പറഞ്ഞു. വിവിധയിനം കലാപരിപാടികളും അരങ്ങേറി.