മോദിക്ക് ബദലാകുവാൻ പിണറായി മത്സരിക്കുന്നു; മുസ്ലിം ലീഗ് ജില്ലാ ട്രഷറർ പി.ഇ.എ സലാം മാസ്റ്റർ:

കുമരനെല്ലൂർ: കേന്ദ്രത്തിലെ ഫാസിസ്റ്റ് സർക്കാറിന്റെ അതേ നയം പിൻതുടർന്ന് പിണറായി സർക്കാർ രണ്ടാം വാർഷികം ആഘോഷിക്കുകയാണന്ന് മുസ്ലിം ലീഗ് ജില്ലാ ട്രഷറർ പി ഇ എ സലാം മാസ്റ്റർ പ്രസ്താവിച്ചു. കേന്ദ്ര-സംസ്ഥാന സർക്കാറുകളുടെ ജനദ്രോഹനയങ്ങൾക്കെതിരെ കുമരനെല്ലൂർ മേഖല മുസ്ലിം ലീഗ് കമ്മിറ്റി നടത്തിയ പ്രതിഷേധ കവല ഉദ്ഘാടനം ചെയ്യുകയായിരുന്നു അദ്ദേഹം.

സംസ്ഥാനത്തിന്റെ സമസ്ത മേഖലയിലും ഭാരം ഇരട്ടിച്ച് ജനത്തെ ഇരുട്ടിലാക്കി പിണറായി വിദേശയാത്രയ്ക്ക് പുറപ്പെടുകയാണെന്നും അദ്ദേഹം പറഞ്ഞു. 90 ശതമാനം പണി പൂർത്തീകരിച്ച കുമരനല്ലൂർ ഹൈസ്കൂളിന്റെ പുതിയ കെട്ടിടത്തിന്റെ ഉദ്ഘാടനം നീളുന്നതിലും, കല്ലെടത്തൂർ ഗോഖല ഹയർസെക്കൻഡറി സ്കൂളിലെ വിജയ ശതമാനത്തിൽ കണ്ട അനിശ്ചിതത്വത്തിലും യോഗം ആശങ്ക പ്രകടിപ്പിച്ചു.

എം വി ഫസൽ മാസ്റ്റർ അധ്യക്ഷനായി.സുബൈർ കൊഴിക്കര മുഖ്യപ്രഭാഷണം നടത്തി. സി എം അലി മാസ്റ്റർ, പത്തിൽ മൊയ്തുണ്ണി, സി എം അബ്ദുൽ ഖാദർ, എം വി ഷഫീഖ്, ടി ഖാലിദ്.അനസ്, കെ ഷെമീർ, ടി.പി. എം അലി, വി.പി.ജാഫർ, മുസ്തഫ, കുഞ്ഞിവാപ്പു, ഷരീഫ് വിപി, ഒ. സൈതലവി, മുഹമ്മദ്‌ സാബിർ തുടങ്ങിയവർ പ്രതിഷേധ സംഗമത്തിൽ പങ്കെടുത്തു.