ദിശ-കരിയർ ഗൈഡൻസ് സെമിനാർ നടന്നു:

തവനൂർ : തവനൂർ പഞ്ചായത്ത് ഗ്രന്ഥശാല സമിതി, മദിരശ്ശേരി ദേശം വായനശാലയുടെ സഹകരണത്തോടെ സംഘടിപ്പിച്ച ദിശ-കരിയർ ഗൈഡൻസ് സെമിനാറും, തവനൂർ പഞ്ചായത്തിലെ എസ് എസ് എൽ സി, പ്ലസ് ടു വിജയികളെ അനുമോദിക്കലും മദിരശ്ശേരി ഗ്രാന്റ് ഓഡിറ്റോറിയത്തിൽ നടന്നു.

തവനൂർ പഞ്ചായത്ത് പ്രസിഡണ്ട് സി.പി. നസീറ ചടങ്ങ് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡണ്ടും ഗ്രന്ഥശാല സമിതി ചെയർമാനുമായ ടി.വി. ശിവദാസ് അദ്ധ്യക്ഷനായി, താലൂക്ക് ലൈബ്രറി കൗൺസിൽ സെക്രട്ടറി പി.വി പ്രകാശ്, താലൂക്ക് ലൈബ്രറി കൗൺസിലർമാരായ എം.ജയരാജ്, എ.പി. പത്മിനി, ഗ്രന്ഥശാല സമിതി കൺവീനർ എ.ടി. മണികണ്ഠദാസ്, ദേശം വായനശാല പ്രസിഡണ്ട് ടി.ഉസ്മാൻ എന്നിവർ പ്രസംഗിച്ചു. കോഴിക്കോട് സി.ഐ.ജി.ഐ (സിജി) ട്രയ്നർ ഫയാസ് ഹബീബ്, ഉപരിപഠന സാധ്യതകളേയും, വിജയ വഴികളേയും കുറിച്ച് ക്ലാസ്സെടുത്തു.