വൈദ്യുതി ചാർജ് വർദ്ധന പിൻവലിക്കണം; മുസ്‌ലിം യൂത്ത് ലീഗ്: 

കുമ്പിടി : വൈദ്യുതി ചാർജ് വർദ്ധന പിൻവലിക്കണം മുസ്‌ലിം യൂത്ത് ലീഗ് തൃത്താല നിയോജക മണ്ഡലം കമ്മിറ്റി എക്സിക്യൂട്ടീവ് ക്യാമ്പ് ആവശ്യപ്പെട്ടു. സർക്കാർ ഒരു വശത്തു ധൂർത്തു അടിച്ചു നടക്കുകയും സാമ്പത്തിക ഞെരുക്കം തീർക്കാൻ ജനങ്ങളെ കൊള്ളയടിക്കുന്ന നയം തിരുത്തണമെന്ന് ക്യാമ്പ് പ്രമേയത്തിലൂടെ ആവശ്യപ്പെട്ടു.

കുമ്പിടി ദേവി കൃഷണ ഹാളിൽ നടന്ന ക്യാമ്പ് സംഘടനാ ശക്തീകരണ പദ്ധതികൾക്ക് രൂപം നൽകി. മുസ്‌ലിം യൂത്ത് ലീഗ് ജില്ലാ പ്രസിഡന്റ് പി. എം മുസ്തഫ തങ്ങൾ ഉദ്ഘാടനം ചെയ്തു. സംസ്ഥാന പ്രവർത്തക സമിതി അംഗങ്ങളായ ശരീഫ് സാഗർ, എൻ കെ ഹഫ്സൽ റഹ്‌മാൻ എന്നിവർ വിവിധ സെഷനുകൾ കൈകാര്യം ചെയ്തു, പി എം മുനീബ് ഹസൻ അധ്യക്ഷനായിരുന്നു. മുസ്‌ലിം ലീഗ് നിയോജക മണ്ഡലം പ്രസിഡന്റ് എസ് എം കെ തങ്ങൾ, ജനറൽ സെക്രട്ടറി ടി അസീസ്, സി എം അലി മാസ്റ്റർ, കെ. പി മുഹമ്മദ്‌, ശറഫുദ്ധീൻ പിലാക്കൽ,അഡ്വ: ബഷീർ, പി എം മുജീബ്, എന്നിവർ ആശംസ അർപ്പിച്ചു.

യു. ടി താഹിർ, ഒകെ സവാദ്, പി. ഇ സാലിഹ്, താജുദ്ധീൻ, ഫിറോസ് കെ പി, ടി പി ഫൈസൽ, ഖമറുദ്ധീൻ, മുഹ്സിൻ കോണിക്കൽ, ഹൈദർ സി പി, ശിഹാബ് കൊള്ളനൂർ, അഫ്സൽ പുന്നക്കാടൻ, മുസ്തഫ പുളിക്കൽ,സിയാദ് പള്ളിപ്പടി, പി എം മുബീൻ, നാസിഹ് കപ്പൂർ തുടങ്ങിയവർ സംസാരിച്ചു.