കാലടി മഹാശിവക്ഷേത്രത്തിൽ ശനീശ്വരപൂജയും ദശാവതാര പൂജയും നടന്നു:

എടപ്പാൾ: കാലടി മഹാശിവക്ഷേത്രത്തിൽ ശനീശ്വരപൂജയും, ദശാവതാര പൂജയും,  ക്ഷേത്രം മാതൃസമിതിയുടെ നേതൃത്വത്തിൽ നാമജപവും, ഭദ്രദീപസമർപ്പണവും നടന്നു. പൂജകൾക്ക് തന്ത്രി കെ.ടി.എൻ നമ്പൂതിരിപ്പാട് മേൽശാന്തി വിഘ്നേഷ് എമ്പ്രാന്തിരി എന്നിവർ നേതൃത്വം നൽകി.

തുടർന്ന് ഭാഗവതരത്നം ബ്രഹ്മശ്രീ അയിനിപ്പിള്ളി ബാബു ചന്ദ്രശേഖരൻ നമ്പൂതിരിയുടെ നേതൃത്വത്തിൽ ആധ്യാത്മിക പ്രഭാഷണവും ആചാര്യ വന്ദനവും ക്ഷേത്രം ജീവനക്കാർക്ക് ക്ഷേത്രം ഭരണ സമിതിയുടെ സ്നേഹോപഹാരം നൽകുകയും ചെയ്തു.

ക്ഷേത്രനവീകരണ പ്രവർത്തനങ്ങളിലേയ്ക്ക് ആദ്യ സംഭാവന ക്ഷേത്രം തന്ത്രിയുടെ വകയായി കമ്മിറ്റിയ്ക്ക് കൈമാറി. ചടങ്ങിൽ ഭരണ സമിതി സെക്രട്ടറി ജയരാജ്, നന്ദകമാർ, ഗോപാലകൃഷ്ണൻ എന്നിവർ സംസാരിച്ചു.