കുട്ടികളിലെ ശാരീരിക പരിമിതികൾ തിരിച്ചറിയുന്നതിനായുളള വൈദ്യ പരിശോധന ക്യാമ്പുകൾക്ക് തുടക്കമായി:

എടപ്പാൾ: 2023-24 അധ്യയന വർഷത്തിൽ എടപ്പാൾ വിദ്യാഭ്യാസ ഉപജില്ലയിലെ വിവിധ വിദ്യാലയങ്ങളിൽ പഠിക്കുന്ന കുട്ടികളിലെ കേൾവി, ചലനം, ബുദ്ധി എന്നീ അവസ്ഥകളുടെ പരിമിതികൾ തിരിച്ചറിയുന്നതിനായുളള വൈദ്യ പരിശോധന ക്യാമ്പുകളുടെ എടപ്പാൾ ബി ആർ സി തല ഉദ്ഘാടനം ബി ആർ സി യിൽ നടന്നു. ഉപജില്ലാ വിദ്യാഭ്യാസ ഓഫീസർ ഹൈദരലി മാസ്റ്റർ അധ്യക്ഷത വഹിച്ച യോഗത്തിൽ എടപ്പാൾ ഗ്രാമപഞ്ചായത്ത് പ്രസിഡൻറ് ശ്രീമതി സുബൈദ ടീച്ചർ മെഡിക്കൽ ക്യാമ്പ് ഉദ്ഘാടനം ചെയ്തു.

എടപ്പാൾ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി ഷീന മൈലാഞ്ചി പറമ്പിൽ ആശംസയർപ്പിച്ചു. എടപ്പാൾ ബി ആർ സി ട്രെയിനർ ശ്രീ വിശാൽ കുമാർ സ്വാഗതവും, സ്പെഷ്യൽ എഡ്യുക്കേറ്റർ ശ്രീ രാജേഷ്.വി നന്ദിയും പറഞ്ഞു.