ഭിന്നശേഷിക്കാർക്കുള്ള സഹായ ഉപകരണങ്ങൾ വിതരണം ചെയ്തു:

എടപ്പാൾ: എടപ്പാൾ ഗ്രാമപഞ്ചായത്തിൽ ഭിന്നശേഷിക്കാർക്കുള്ള സഹായ ഉപകരണങ്ങൾ വിതരണം ചെയ്തു. എടപ്പാൾ ബി.ആർ.സിയിൽ വെച്ച് നടന്ന പരിപാടിയുടെ ഉദ്ഘാടനം എടപ്പാൾ ഗ്രാമ പഞ്ചായത്ത് പ്രസിഡണ്ട് സി.വി.സുബൈദ നിർവ്വഹിച്ചു.

എടപ്പാൾ ഗ്രാമ പഞ്ചായത്ത് 2022-23 വാർഷിക പദ്ധതിയിൽ ഉൾപ്പെടുത്തി കെൽട്രോണുമായി സഹകരിച്ചാണ് മൂന്നര ലക്ഷം രൂപയോളം ചിലവിട്ട് ഭിന്നശേഷിക്കാർക്കുള്ള മെഡിക്കൽ ഉപകരണങ്ങൾ വിതരണം ചെയ്തത്.

എടപ്പാൾ ബി.ആർ.സിയിൽ വെച്ച് നടന്ന പരിപാടിയുടെ ഉദ്ഘാടനം എടപ്പാൾ ഗ്രാമ പഞ്ചായത്ത് പ്രസിഡണ്ട് സി.വി.സുബൈദ നിർവ്വഹിച്ചു. വൈസ് പ്രസിഡണ്ട് കെ.പ്രഭാകരൻ അദ്ധ്യക്ഷത വഹിച്ചു. വികസന സ്റ്റാൻ്റിംങ്ങ് കമ്മിറ്റി ചെയർപേഴ്സൺ ക്ഷമാ റഫീഖ്, ആരോഗ്യ, വിദ്യാഭ്യാസ സ്റ്റാൻ്റിംങ്ങ് കമ്മിറ്റി ചെയർപേഴ്സൺ എം.പി.ഷീന, പഞ്ചായത്ത് അംഗം കെ.പി.അച്ചുതൻ തുടങ്ങിയവർ സംസാരിച്ചു. ക്ഷേമകാര്യ സ്റ്റാൻ്റിംങ്ങ് കമ്മിറ്റി ചെയർമാൻ എ.ദിനേശൻ സ്വാഗതവും ഐ.സി.ഡി.എസ് സൂപ്ര വൈസർ കൃഷ്ണേന്ദു നന്ദിയും പറഞ്ഞു.