ജനകീയസൂത്രണ പദ്ധതിയിൽ ഉൾപ്പെടുത്തിയ വാട്ടർ കിയോസ്കിനുകളുടെ ഉദ്ഘാടനം നിർവ്വഹിച്ചു:

എടപ്പാൾ: പൊന്നാനി ബ്ലോക്ക്‌ പഞ്ചായത്ത്‌ 2022-23 ജനകീയസൂത്രണ പദ്ധതിയിൽ ഉൾപ്പെടുത്തി ശുദ്ധ ജലം ലഭ്യമാക്കുക എന്ന ലക്ഷ്യത്തോടെ കോലളമ്പ് സ്കൂളിലും, തൃക്കണാപുര൦ സി.എച്ച്.സി യിലു൦ സ്ഥാപിച്ച വാട്ടർ കിയോസ്കിനുകളുടെ (കുടിവെള്ള ശുദ്ധീകരണ പ്ലാന്റ് ) ഉദ്ഘാടനം 12-07-23 ബുധനാഴ്ച ബ്ലോക്ക് പഞ്ചായത്ത് വൈസ് പ്രസിഡന്റ് അഡ്വ.ആ൪ ഗായത്രി നിർവഹിച്ചു.
ജീവന്റെ നിലനിൽപ്പിനു ആധാരമായ ശുദ്ധമായ കുടിവെള്ളം വിദ്യാർത്ഥികൾക്ക് ലഭ്യമാക്കുക, അതിലൂടെ ആരോഗ്യവും കരുത്തുമുള്ള ഒരു പുതിയ തലമുറയെ വാർത്തെടുക്കുക എന്ന ലക്ഷ്യത്തോടെയാണ് ബ്ലോക്ക്‌ പഞ്ചായത്ത്‌ ഈ പദ്ധതി ആവിഷ്കരിച്ചത്.

കോലളമ്പ് സ്കൂളിൽ നടന്ന ചടങ്ങിൽ എടപ്പാൾ ഗ്രാമപഞ്ചായത്ത് വൈസ് പ്രസിഡണ്ട് കെ പ്രഭാകരൻ അധ്യക്ഷത വഹിച്ചു. തൃക്കണാപുര൦ സി എച്ച് സി യിൽ തവനൂ൪ ഗ്രാമപഞ്ചായത്ത് പ്രസിഡന്റ്‌ നസീറ സി.പി അധ്യക്ഷത വഹിച്ചു. ബ്ലോക്ക്‌ പഞ്ചായത്ത്‌ സ്റ്റാൻഡിങ് കമ്മിറ്റി ചെയർമാന്മാരായ എൻ ആർ അനീഷ്, ദിലീഷ് ഇ കെ, പ്രേമലത, ജനപ്രതിനിധികൾ, അധ്യാപകർ വിദ്യാർത്ഥികൾ,രക്ഷിതാക്കൾ, നാട്ടുകാർ തുടങ്ങിയവർ പരിപാടിയിൽ സംബന്ധിച്ചു.