അലിഫ് ടാലന്റ് ടെസ്റ്റ് സമാപിച്ചു:

എടപ്പാൾ: കേരള അറബിക് ടീച്ചേഴ്സ് ഫെഡറേഷൻ സംസ്ഥാനമൊട്ടുക്കും നടത്തിവരുന്ന അലിഫ് അറബിക് ടാലന്റ് ടെസ്റ്റ് എടപ്പാൾ ഉപജില്ലാതല മത്സരം എടപ്പാൾ ജി എം യു പി സ്കൂളിൽ സമാപിച്ചു. സമാപന സംഗമം എടപ്പാൾ ഉപജില്ല ഓഫീസർ ഹൈദരലി മാസ്റ്റർ ഉദ്ഘാടനം നിർവഹിച്ചു.

എൽ പി വിഭാഗത്തിൽ മുഹമ്മദ് സഹൽ (എ യു പി എസ്‌ വെറൂർ), മുഹമ്മദ് അനസ് (എ എം എൽ പി എസ് അയിലക്കാട്), മുഹമ്മദ് ഹാനി ( എ എം എൽ പി എസ് കക്കിടിപ്പുറം) എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾക്ക് അർഹരായി.
യുപി വിഭാഗത്തിൽ ഫാത്തിമ ഷിഫ്ലി എൻ (കെഎംജി യുപിഎസ് തവനൂർ ), മുഹമ്മദ് അബ്ദുൽ ബാസിത് (വി പി യുപിഎസ് കാലടി), ഫാത്തിമ അംന (എംടിഎസ് യുപിഎസ് നന്നംമുക്ക് ) എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾക്ക് അർഹരായി.

ഹൈസ്കൂൾ വിഭാഗത്തിൽ നാഹിദ അബ്ദുൽ ഖാദർ (എംവിഎം ആർ എച്ച് എസ് എസ്‌ വളയംകുളം) ഒന്നാം സ്ഥാനവും, ഷഹദിയ ഇ വി (ജിഎച്ച്എസ്എസ് കോക്കൂർ ) രണ്ടാം സ്ഥാനവും, മുഹമ്മദ് അസ്ലം (പി സി എൻ ജി എച്ച്എസ്എസ് മൂക്കുതല) മൂന്നാം സ്ഥാനവും കരസ്ഥമാക്കി.

ഹയർസെക്കൻഡറി വിഭാഗത്തിൽ മസാഹിറ പി ( ഡി എച്ച് ഒ എച്ച് എസ്‌ എസ് എസ് പൂക്കരത്തറ ) ഒന്നാം സ്ഥാനവും ഹിബ ജസീല എ കെ ( ഡി എച്ച് ആർ എച്ച് എസ് എസ് കണ്ടനകം) രണ്ടാം സ്ഥാനവും ഫാത്തിമ ഷിഫാന എ വി ( ജിഎച്ച്എസ്എസ് എടപ്പാൾ)മൂന്നാം സ്ഥാനവും നേടി.

വിജയികൾക്ക് ട്രോഫിയും സർട്ടിഫിക്കറ്റും വിതരണം ചെയ്തു. അനീസ് കെ എ, ഫഹദ് വി, സൈനുദ്ദീൻ സി കെ, ഇത്തീരു ടീച്ചർ, ഹബീബ് റഹ്‌മാൻ മാസ്റ്റർ എന്നിവർ സംസാരിച്ചു. ഉബൈദ് വി സ്വാഗതവും അബ്ദുൽ ജലീൽ നന്ദിയും പറഞ്ഞു.
ഷരീഫ് മാസ്റ്റർ, അബൂബക്കർ,ഫൈസൽ, ഷാലി ടീച്ചർ, അഫീല ടീച്ചർ എന്നിവർ ടാലെന്റ്റ് ടെസ്റ്റിന് നേതൃത്വം നൽകി.