നാടിന് നിറ കണ്ണീർ സമ്മാനിച്ചു സുൽത്താൻ വിട വാങ്ങി:

കുമരനെല്ലൂർ: കുമരനല്ലൂരിൽ നിര്യാതനായ പരേതനായ തേറയിൽ ആലിബാവക്കയുടെ പുത്രൻ സുൽത്താൻ റഹ്മത്തുള്ളയുടെ വിയോഗം നാടിന് നൊമ്പരമായി. നൂറുകണക്കിനാളുകളുടെ സാന്നിധ്യത്തിൽ അറക്കൽ കബർസ്ഥാനിൽ ഇന്ന് അദ്ദേഹത്തെ കബറടക്കി.

തന്റെ രചനയിൽ പാടിയും, കവിയായും അനൗൺസറുമായി തിളങ്ങി നിന്നിരുന്ന റഹ്മത്തുള്ള എന്ന റസാക്കിന് കുമരനല്ലൂരിലും സമീപ പ്രദേശങ്ങളിലുമായി ഒരുപാട് സുഹൃത്ത് വലയം ഉണ്ടായിരുന്നു. അവരെയെല്ലാം ഞെട്ടിച്ചതായിരുന്നു ആ മരണം.

ഇന്നലെ വട്ടംകുളത്ത് ജോലിക്കിടെ ഹൃദയാഘാതം മൂലമാണ് മരണപ്പെട്ടത്.

ഭാര്യ:സമീന(അധ്യാപിക മോഡേൺ സ്കൂൾ പോട്ടൂർ)

മക്കൾ:റിയാനറഹ്മത്ത്, മാലിക്.

കുമരനല്ലൂർ പ്രസ്സ് ഫോറം, കുമരനല്ലൂർ വ്യാപാരി വ്യവസായ ഏകോപന സമിതി, കുമരനല്ലൂർ മേഖലാ മുസ്ലിം ലീഗ്, യൂത്ത് ലീഗ് കമ്മിറ്റി തുടങ്ങിയ സംഘടനകൾ അനുശോചിച്ചു.