വിദ്യാർത്ഥിയെ മുങ്ങിമരിച്ച നിലയിൽ കണ്ടെത്തി:

കുമരനല്ലൂർ: കുമരനല്ലൂർ വികെ ഓഡിറ്റോറിയത്തിന് സമീപം അപ്പത്തും പറമ്പിൽ ഇബ്രാഹിം കുട്ടിയുടെ മകൻ മിഥിലാജിനെയാണ് ( 20 ) കിണറ്റിൽ മരിച്ച നിലയിൽ കണ്ടെത്തിയത്.

ഞായറാഴ്ച്ച 12 മണി മുതൽ ഡിഗ്രി വിദ്യാർഥി മിഥിലാജിനെ കാണാനില്ലായിരുന്നു. തുടർന്ന് വീട്ടുക്കാരും നാട്ടുകാരും കൂടി തിരച്ചിൽ നടത്തവെയാണ് വീടിനടുത്ത് സ്വകാര്യ വ്യക്തിയുടെ കിണറ്റിന് സമീപത്തായി മിദിലാജിന്റെ ചെരുപ്പ് കണ്ടെത്തിയത്. തുടർന്ന് കിണറ്റിൽ വീണേക്കാമെന്ന സംശയത്തിൽ പട്ടാമ്പി, പൊന്നാനി ഫയർഫോഴ്സിനെ വിളിച്ചുവരുത്തി തിരച്ചിൽ നടത്തിയാണ് മൃതദേഹം പുറത്തെടുത്തത്.

മുനീറയാണ് മാതാവ്. സജീന സഹോദരിയാണ്. ഒറ്റപ്പാലം സ്വദേശികളായ ഇവർ വർഷങ്ങളായി കുമരനെല്ലൂർ പാലം കടവിൽ വാടക വീട്ടിൽ താമസിച്ചു വരികയാണ്. തൃത്താല പോലീസ് സ്ഥലത്തെത്തി മേൽ നടപടികൾ സ്വീകരിച്ചു.