പാലംകടവ് ക്ലബ്ബിന്റെ നവീകരിച്ച ഓഫീസ് ഉദ്ഘാടനം നടന്നു:

കുമരനല്ലൂർ: നാലു പതിറ്റാണ്ട് പിന്നിട്ട കുമരനെല്ലൂർ പാലംകടവ് ആർട്സ് ആൻഡ് സ്പോർട്സ് ക്ലബ്ബിൻറെ നവീകരിച്ച ഓഫീസ് ഉദ്ഘാടനവും, പ്രദേശത്തെ എസ്എസ്എൽസി, പ്ലസ് ടു ഉന്നത വിജയികൾക്കുള്ള ആദരവും കപ്പൂർ ഗ്രാമപഞ്ചായത്ത് പ്രസിഡൻറ് ഷറഫുദ്ദീൻ കളത്തിൽ നിർവഹിച്ചു.

ചടങ്ങിൽ വാർഡ് മെമ്പർ  രാധിക,  വാർഡ് മെമ്പർ മുംതാസ്,കെ നൂറുൽ അമീൻ മാസ്റ്റർ,വി പി മുസ്തഫ,എ വി ജാഫർ,ഷാനവാസ് മുളക്കൽ,എംവി നാസർ തുടങ്ങിയവർ സംസാരിച്ചു.

പ്രദേശത്തെ സീനിയറായ ഒ അബ്ദുല്ല കുട്ടി, ടി അബ്ദുറഹിമാൻ എന്ന ബാവ, സി വി ഷംസുദ്ദീൻ, വിപി ഹസൈനാർ എന്നിവർ സംബന്ധിച്ചു. പി ജി വിമലിന്റെ അധ്യക്ഷതയിൽ നടന്ന പരിപാടിയിൽ വി വി മുജീബ് സ്വാഗതവും, സിറാജുദ്ദീൻ ആളത്ത് നന്ദിയും പറഞ്ഞു.