ചാന്ദ്രദിനത്തിൽ ചന്ദ്രനെ തേടി സുകുമാരന്റെ വീട്ടിൽ:

എടപ്പാൾ: വള്ളത്തോൾ കോളേജിന് സമീപം താമസിക്കുന്ന സിവി സുകുമാരന്റെ വീട്ടിൽ ചെന്നാൽ സൗരയൂഥത്തെ കുറിച്ച് എല്ലാം മനസ്സിലാക്കാം. വിദ്യാപീഠത്തിലെ കുട്ടികൾക്കും അങ്ങനെ വേറിട്ടരനുഭവമായി ഈ സന്ദർശനം വ്യത്യസ്ഥ തരം ടെലിസ്കോപ്പ് ഒരുക്കി നക്ഷത്രങ്ങളെയും ഗ്രഹങ്ങളെയും അടുത്ത് കാണാൻ ഉള്ള സൗകര്യവും ഇവിടെ ഉണ്ട്. ദിനരാത്രങ്ങൾ ഉണ്ടാവുന്നത്, ഗ്രഹണം, ഹൃതുക്കളുടെ മാറ്റം എന്നിങ്ങനെ എല്ലാ കാര്യങ്ങളും മാതൃക ഉപയോഗിച്ച് വിവരിക്കുന്നു. സ്കൂളിലെ ശാസ്ത്ര ക്ലബ്ബിന്റെ നേതൃത്വത്തിലായിരുന്ന സന്ദർശനം. PTA പ്രസിഡന്റ്‌ ശ്രീ ഗണേഷ് കോലോത്ര, ഹെഡ്മാസ്റ്റർ ശ്രീ ഗിരീഷ് എ, ശാസ്ത്ര അദ്ധ്യാപകർ ഉമ, ജിജി, മനോജ്‌, രഘു എന്നിവരും പരിപാടിയിൽ പങ്കെടുത്തു.