പോക്സോ നിയമ ബോധവൽക്കരണം നടത്തി;

എടപ്പാൾ: സമഗ്രശിക്ഷയുടെ നേതൃത്വത്തിൽ ഉപജില്ലയിലെ ഹയർ സെക്കന്ററി -വോക്കേഷണൽ ഹയർ സെക്കന്ററി അധ്യാപകർക്കായി പോക്സോ നിയമ ബോധവൽക്കരണം നടത്തി. പോക്സോ നിയമം സംബന്ധിച്ച് വിദ്യാർത്ഥികൾ അറിഞ്ഞിരിക്കേണ്ട കാര്യങ്ങൾ കേരളത്തിലെ മുഴുവൻ ഹയർസെക്കണ്ടറി വിദ്യാർത്ഥികൾക്കും നൽകുന്നതിന്റെ ഭാഗമായിരുന്നു പരിശീലനം. എടപ്പാൾ ബിആർസി ബി.പി.സി. ബിനീഷ് മാസ്റ്റർ അധ്യക്ഷത വഹിച്ച ചടങ്ങ് എടപ്പാൾ ഉപജില്ല ഓഫീസർ ഹൈദരാലി മാസ്റ്റർ ഉദ്ഘാടനം നിർവഹിച്ചു.

മൂക്കുതല പി.സി.എൻ.ജി.എച്ച് എസ് എസ് പ്രിൻസിപ്പാൾ സി.വി. മണികണ്ഠൻ, ട്രെയിനർ ജിജി വർഗീസ്, കെഎംജിവിഎച്ച്എസ്എസ് അധ്യാപിക ഗീതാ ഗണപതി, DLSA പ്രതിനിധി അഡ്വക്കേറ്റ് കവിത ശങ്കർ തുടങ്ങിയവരാണ് ക്ലാസ് നയിച്ചത്.