തൊഴിലാളികളുടെ നേതൃത്വത്തിൽ പച്ചതുരുത്ത് നിർമ്മിച്ചു..

എടപ്പാൾ: എടപ്പാൾ ഗ്രാമപഞ്ചായത്തും, ഹരിത കേരള മിഷനും, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും ചേർന്നുകൊണ്ട് ജി യു പി കോലൊളമ്പ് സ്കൂളിൽ തൊഴിലുറപ്പ് തൊഴിലാളികളുടെ നേതൃത്വത്തിൽ പച്ചതുരുത്ത് നിർമിച്ചു.

2 സെന്റ് ഓളം വരുന്ന സ്ഥലത്ത് 13 തൈകളാണ് പച്ചതുരുത്തിനായി ഉപയോഗിച്ചിരിക്കുന്നത്. പഞ്ചായത്ത് വൈസ് പ്രസിഡന്റ്‌ k പ്രഭാകരൻ അധ്യക്ഷത വഹിച്ച പരിപാടിയുടെ ഉദ്ഘാടനം വൃഷതൈ നട്ടു കൊണ്ട് പഞ്ചായത്ത് പ്രസിഡന്റ് ശ്രീമതി c v സുബൈദ നിർവഹിച്ചു.

ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീ എ ദിനേശൻ,വാർഡ് മെമ്പർമാരായ കുമാരൻ, ദേവദാസ് , അച്യുതൻ സ്കൂൾ എച്. എം സതീ ദേവി ശുചിത്വ മിഷൻ ആർ.പി രമ്യ തുടങ്ങിയവർ ചടങ്ങിന് ആശംസകൾ അറിയിച്ചു. പഞ്ചായത്ത് അംഗങ്ങൾ, അധ്യാപകർ, സ്കൂൾ ഭാരവാഹികൾ വിദ്യാർത്ഥികൾ തൊഴിലുറപ്പ് തൊഴിലാളികൾ തുടങ്ങിയവർ പരിപാടിയിൽ പങ്കെടുത്തു. നവ കേരളം മിഷൻ ആർ.പി ബവിഷ സ്വാഗതവും IRTC HSS കോഡിനേറ്റർ അഭിജിത്ത് നന്ദിയും പറഞ്ഞു.