നാമജപം നടത്തിയവർക്കെതിരെ കേസെടുത്തതിൽ പ്രതിഷേധിച്ച് ബി.ജെ.പി കമ്മറ്റി പ്രതിഷേധ ജ്വാല നടത്തി:

ചങ്ങരംകുളം; എ എൻ ഷംസീറിന്റെ പ്രസ്താവനക്കെതിരെ നാമജപം നടത്തിയ എൻഎസ്എസ് പ്രവർത്തകർക്കെതിരെ കേസെടുത്തതിൽപ്രതിഷേധിച്ച് ബി ജെ പി ചങ്ങരംകുളം മണ്ഡലം കമ്മിറ്റി സംഘടിപ്പിച്ച പ്രതിഷേധ ജ്വാല സംസ്ഥാന എക്സിക്യൂട്ടീവ് മെമ്പർ കെ കെ സുരേന്ദ്രൻ ഉദ്ഘാടനം ചെയ്തു. ശാസ്ത്രം വേദങ്ങളിൽ നിന്നാണ് ഉണ്ടായിരിക്കുന്നതെന്ന് ബിജെപി സംസ്ഥാന എക്സിക്യൂട്ടീവ് മെമ്പർ കെ കെ സുരേന്ദ്രൻ പറഞ്ഞു. പാശ്ചാത്യരുടെ കണ്ടെത്തൽ ആണെന്നത് കെട്ടുകഥയാണ്. പ്രപഞ്ചത്തിന്റെ ഘടനയടക്കം നിരവധിയായ ഇന്നത്തെ കണ്ടെത്തലുകൾ വേദങ്ങളിൽ ചൂണ്ടിക്കാട്ടിയവയാണെന്നും പറഞ്ഞു.

ശാസ്ത്രവും വിശ്വാസവും താരതമ്യം ചെയ്ത് വിശ്വാസത്തെ തകർക്കാനാണ് സിപിഎം ശ്രമിക്കുന്നത്.  ശാസ്ത്ര സത്യങ്ങളെ ഹൈന്ദവ ആചാര്യന്മാർ നാളിതുവരെ തള്ളിപ്പറഞ്ഞിട്ടില്ല. തങ്ങളുടെ മതം മാത്രമാണ് ശരിയെന്ന് പ്രചരിപ്പിക്കുന്ന മത തീവ്രവാദികളെ തൃപ്തിപ്പെടുത്താനാണ് സിപിഎമ്മും സ്പീക്കറും ശ്രമിക്കുന്നത്. ഹൈന്ദവ വിശ്വാസത്തെ തള്ളിപ്പറഞ്ഞാൽ മതമൗലികവാദികളെ കൂടെ നിർത്താമെന്ന വ്യമോഹമാണ് സി.പി.എമ്മിന്റെത്. നാമജപം നടത്തിയ എൻഎസ്എസ് പ്രവർത്തകർക്കെതിരെ കേസെടുത്ത സർക്കാർ നടപടി ഹൈന്ദവ വിശ്വാസത്തിനെതിരെയുള്ള യുദ്ധപ്രഖ്യാപനമാണ്, സിപിഎം ഭരണത്തിൽ ആചാരവും വിശ്വാസവും സംരക്ഷിക്കപ്പെട്ടില്ലന്നതിന്റെ ഉദാഹരണമാണ് ഇതെന്നും എൻഎസ്എസ് പ്രവർത്തകർക്കെതിരെ കേസെടുത്തതിൽ പ്രതിഷേധിച്ചും , സ്പീക്കറുടെഹൈന്ദവ വിശ്വാസത്തിനെതിരെയുള്ള പ്രസ്താവനക്കെതിരെയും ബിജെപി ചങ്ങരംകുളം മണ്ഡലം കമ്മിറ്റി നടത്തിയ പ്രതിഷേധ ജ്വാല ഉദ്ഘാടനം ചെയ്ത് കെ.കെ സുരേന്ദ്രൻ പറഞ്ഞു.

പ്രസിഡണ്ട് പ്രസാദ് പടിഞ്ഞാക്കര അധ്യക്ഷത വഹിച്ചുജനുപട്ടേരി, അനീഷ് മുക്കുതല,സുധാകരൻ നന്നമുക്ക് . കരുമത്തിൽ കുഞ്ഞുണ്ണി ,ബിജു മാന്തടം . വിപിൻ കോക്കൂർ . സുബി ചേലക്കൽ. സുജിത്ത് ആലങ്കോട്, അജിലേഷ്തരിയത്ത്, സുബ്രു ചെറുവല്ലൂർ എന്നിവർ പ്രസംഗിച്ചു.