ഇന്ന് ചിങ്ങം ഒന്ന് കർഷകദിനം വട്ടംകുളം സർവ്വീസ് സഹകരണ ബാങ്ക് ഓഡിറ്റോറിയത്തിൽ വച്ച് ആഘോഷിച്ചു:

എടപ്പാൾ: വട്ടംകുളം ഗ്രാമപഞ്ചായത്ത് കൃഷിഭവന്റെ ആഭിമുഖ്യത്തിൽ ഇന്ന് ചിങ്ങം ഒന്ന് കർഷകദിനം വട്ടംകുളം സർവ്വീസ് സഹകരണ ബാങ്ക് ഓഡിറ്റോറിയത്തിൽ വച്ച് ആഘോഷിച്ചു. കൃഷി ഓഫീസർ ഡോ: ഗായത്രി രാജശേഖരൻ ചടങ്ങിന് സ്വാഗതം പറഞ്ഞു. വികസന സ്റ്റാൻഡിംഗ് കമ്മറ്റി ചെയർമാൻ ശ്രീ. എം.എ. നജീബിന്റെ അധ്യക്ഷതയിൽ ഗ്രാമ പഞ്ചായത്ത് പ്രസിഡന്റ് ശ്രി. കഴുങ്ങിൽ മജീദ് ചടങ്ങ് ഉൽഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് ശ്രീ. കെ. രാമകൃഷ്ണൻ തെരഞ്ഞെടുക്കപ്പെട്ട 13 കർഷകരെ ആദരിച്ചു.

ചടങ്ങിൽ വാർഡ് മെമ്പർമാർ , വിവിധ രാഷ്ട്രീയ പ്രതിനിധികൾ, കാർഷിക വികസന സമിതി – പാടശേഖര സമിതി പ്രതിനിധികൾ എന്നിവർ ആശംസകളർപ്പിച്ചു. നൂറിലധികം കർഷകർ പങ്കെടുക്കുകയുണ്ടായി. അസി. കൃഷി ഓഫീസർ വിജയൻ നന്ദിയും പറഞ്ഞു.