എടപ്പാൾ സബ്സ്റ്റേഷന് സമീപം ബസ്സും കാറും കൂട്ടിയിടിച്ചു; അപകടത്തിൽ കാർ യാത്രക്കാരായ മൂന്നുപേർക്ക് പരിക്ക്:

എടപ്പാൾ: സംസ്ഥാന പാതയിൽ സബ്സ്റ്റേഷന് സമീപം ബസ്സും കാറും കൂട്ടിയിടിച്ചു. കാറിൽ ഇടിച്ച ബസ്സ് റോഡരികിൽ നിർത്തിയിട്ട ലോറിയിൽ ഇടിപ്പിച്ചാണ് നിന്നത്. അപകടത്തിൽ കാർ യാത്രക്കാരായ മൂന്നുപേർക്ക് പരിക്കേറ്റു. നാട്ടുകാരും ഫയർഫോഴ്സും പോലീസും  ചേർന്നാണ് പൂർണ്ണമായും തകർന്ന കാറിൽ നിന്ന് പരിക്കേറ്റവരെ പുറത്തെടുത്തത്. പരിക്കേറ്റവരെ എടപ്പാളിലെ സ്വകാര്യ ആശുപത്രിയിൽ പ്രവേശിപ്പിച്ച.

എടപ്പാളിൽ നിന്നും കുറ്റിപ്പുറം ഭാഗത്തേക്ക് പോകുകയായിരുന്നു ബസ്സും വളാഞ്ചേരിയിൽ നിന്നും വരികയായിരുന്നു കാറും റോഡരികിൽ നിർത്തിയിട്ടിരുന്ന ലോറിയുമാണ് അപകടത്തിൽപ്പെട്ടത്. ഇന്ന്(19.08.23) പുലർച്ചെ  ഏഴു മണിയോടെയായിരുന്നു സംഭവം.