വട്ടംകുളം പഞ്ചായത്ത്‌; ഓണം ജനകീയോത്സവം 24.08.23 ന്:

എടപ്പാൾ: വട്ടംകുളം ഗ്രാമപഞ്ചായത്തിൽ 24.08.23 ന് ഓണം ജനകീയോത്സവം പരിപാടി വിപുലമായി ആചരിക്കുന്നു, ഈ വർഷത്തെ ഓണാഘോഷം വരുംകാലങ്ങളിലും തുടർന്ന് വരുന്ന ഭരണസമിതികളും അതേറ്റെടുത്തു നടത്താനും, അതിനു സമൂഹത്തിൽ നിന്നുള്ള ഇടപെടലുകൾ ഉണ്ടാകുന്ന വിധത്തിലാണ് വിഭാവനം ചെയ്യുന്നത്. പഞ്ചായത്ത്‌ പരിസരത്ത് നിന്നും കാലത്ത് 9.30 ന് ഗ്രാമവണ്ടിയെ അനുഗമിച്ചു വാദ്യ മേളങ്ങളോടെയുള്ള ഘോഷയാത്ര പഞ്ചായത്തിന്റെ സ്വന്തം സ്ഥലമായ ഓഡിറ്റോറിയം ഗ്രൗണ്ടിൽ ബഹു :മന്ത്രി അബ്ദുറഹിമാൻ ഉദ്ഘാടനം നിർവഹിക്കും. ഗ്രാമവണ്ടിയുടെ ഉദ്ഘാടനം ബഹു :പാർലിമെന്റ് അംഗം ഇ.ടി. മുഹമ്മദ്‌ ബഷീർ ഫ്ലാഗ് ഓഫ് ചെയ്യും. സ്ഥലം എം.എൽ.എ. കെ.ടി ജലീൽ അധ്യക്ഷത വഹിക്കും. ലൈഫ് മിഷൻ പദ്ധതിയിൽ ലഭ്യമാക്കിയ 101വീടുകളുടെ താക്കോൽ ദാനം ഗ്രാമപഞ്ചായത്ത് പ്രസിഡന്റ്‌ മജീദ് കഴുങ്കിൽ നിർവഹിക്കും. തുടർന്ന് വിവിധമേഖലകളിലെ വ്യക്തത്വങ്ങളെ ആദരിക്കൽ ചടങ്ങുകളും ഉണ്ടാകും. വിവിധ ഡിപ്പാർട്മെന്റുകളുടെ സ്റ്റാളുകളും സജ്ജീകരിച്ചിട്ടുണ്ട്.

സംസ്കാരിക ഘോഷയാത്ര, സാംസ്കാരിക സമ്മേളനം, ലഹരിക്കെതിരെ ബോധവത്കരണം, മെഡിക്കൽ ക്യാമ്പ്, കിടപ്പിലായ രോഗീകുടുംബങ്ങൾക്ക് കിറ്റ് വിതരണം തുടങ്ങിയ പരിപാടികളും കോർത്തിണക്കിയാണ് ഓണാഘോഷം നടത്തുന്നത്.

വാർത്ത സമ്മേളനത്തിൽ, പ്രസിഡന്റ്‌ മജീദ് കഴുങ്കിൽ, വൈസ് പ്രസിഡന്റ്‌ ദീപ മണികണ്ഠൻ, സ്റ്റാൻഡിങ് കമ്മിറ്റി ചെയർമാൻ എം, എ, നജീബ്, സെക്രട്ടറി രാജേശ്വരി, അനിത മെമ്പർ, ഉണ്ണികൃഷ്ണൻ (മെമ്പർ ) പദ്മടീച്ചർ (മെമ്പർ ) പത്തിൽ അഷ്‌റഫ്‌ (സഹകരണബാങ്ക് പ്രസിഡന്റ്‌ ) അസിസ്റ്റന്റ് സെക്രട്ടറി റിജിൽ എന്നിവർ പങ്കെടുത്തു.