ടാക്സ് കൺസൾട്ടന്റ്സ് ആന്റ് പ്രാക്ടീഷണേഴ്സ് അസോസിയേഷൻ ഓണാഘോഷവും, കുടുംബ സംഗമവും നടത്തി:

എടപ്പാൾ: ടാക്സ് കൺസൾട്ടന്റ്സ് ആന്റ് പ്രാക്ടീഷണേഴ്സ് അസോസിയേഷൻ കേരള, മലപ്പുറം ജില്ലാ കമ്മറ്റിയുടെ ഓണാഘോഷവും, കുടുംബ സംഗമവും നടന്നു. സംസ്ഥാന പ്രസിഡണ്ട് എ.എൻ പുരം ശിവകുമാർ ഉദ്ഘാടനം ചെയ്തു, ജില്ലാ കമ്മറ്റി പ്രസിദ്ധീകരിക്കുന്ന ഡയറക്ടറിയുടെ കവർ പ്രകാശനം സംസ്ഥാന ജനറൽ സെക്രട്ടറി കെ.രവീന്ദ്രൻ നിർവ്വഹിച്ചു. ജില്ലാ വൈസ് പ്രസിഡണ്ട് പി സദാനന്ദൻ അദ്ധ്യക്ഷത വഹിച്ചു. സംസ്ഥാന ട്രഷറർ ഇ.കെ. ബഷീർ, സംസ്ഥാന വൈസ് പ്രസിഡണ്ടുമാരായ എം.ആർ മണികണ്ഠൻ, എം.ആർ സുരേഷ് കുമാർ, സംസ്ഥാന നേതാക്കളായ സി രവീന്ദ്രൻ, ഒ.കെ കുഞ്ഞുമുഹമ്മദ്, പി.ശൈലേഷ്, സജീവൻ എന്നിവർ പ്രസംഗിച്ചു. ജില്ലാ സെക്രട്ടറി സി.പി ജമാൽ സ്വാഗതവും, പ്രോഗ്രാം കമ്മറ്റി കൺവീനർ കെ.ബി എ ലത്തീഫ് നന്ദിയും പറഞ്ഞു വിവിധ പരീക്ഷകളിൽ വിജയിച്ച അംഗങ്ങളുടെ മക്കളെ ചടങ്ങിൽ അനുമോദിച്ചു. തുടർന്ന് അംഗങ്ങൾ അവതരിപ്പിച്ച വിവിധ കലാപരിപാടികൾ അരങ്ങേറി.

ഉച്ചയ്ക്ക് ശേഷം കമ്പവലി, ഉറിയടി, കസേരകളി, ലെമൺ സ്പൂൺ, സാക്ക് റെയ്സ് തുടങ്ങിയ മത്സരങ്ങൾ നടന്നു. മത്സര ഇനങ്ങളിൽ തിരൂരങ്ങാടി യൂണിറ്റ് ഒന്നാം സ്ഥാനവും, കോട്ടയ്ക്കൽ യൂണിറ്റ് രണ്ടാം സ്ഥാനവും തിരൂർ യൂണിറ്റ് മൂന്നാം സ്ഥാനവും നേടി വിജയികൾക്ക് ജില്ലാ പ്രസിഡണ്ട് പി. വിശ്വനാഥൻ, സി.പി. ജമാൽ പി.ശൈലേഷ്,എന്നിവർ ട്രോഫികൾ സമ്മാനിച്ചു.