അനധികൃത ലഹരി കടത്തിന് കടിഞ്ഞാണിടും; ഡോഗ് സ്ക്വാഡിനെ ഉപയോഗിച്ച് പരിശോധന നടത്തി എക്സൈസ് സർക്കിൾ ഓഫീസ് പൊന്നാനി:

എടപ്പാൾ: ഓണാഘോഷത്തോടനുബന്ധിച്ച് പൊന്നാനി താലൂക്കിൽ അനധികൃത ലഹരി കടത്തിന് കടിഞ്ഞാണിടുന്ന പരിശ്രമത്തിലാണ് എക്സൈസ് വകുപ്പ്. പാർസൽ കേന്ദ്രങ്ങൾ, കൊറിയർ സർവീസുകൾ , ആഡംബര വാഹനങ്ങൾ കേന്ദീകരിച്ച് ലഹരി കടത്ത് പരിശോധന നടത്തുന്നതിന് മലപ്പുറം ഡെപൂട്ടി എക്സൈസ് കമ്മീഷണറുടെ നിർദ്ദേശ പ്രകാരം ജില്ലാ പോലീസ് സൂപ്രണ്ടിന്റെ അനുവാദം വാങ്ങി വിവിധ സ്ഥലങ്ങളിൽ പരിശോധന നടത്തി.

ജില്ലാ DCRB Dysp യുടെ കീഴിലുള്ള ഡോഗ് സ്ക്വാഡിലെ മദ്യം , മറ്റു ലഹരി വസ്തുക്കൾ എന്നിവ കണ്ടുപിടിക്കാൻ ഏറ്റവും മികച്ച പരിശീലനം ലഭിച്ച 335″ ലൈക്ക ” യെ ഉപയോഗിച്ചു കൊണ്ടാണ് പരിശോധന നടത്തിയത്. എടപ്പാൾ, പൊന്നാനി വിവിധ പാർസൽ കേന്ദ്രങ്ങൾ, കൊരിയർ സർവ്വീസ് സെന്ററുകൾ,എന്നിവിടങ്ങളിലാണ് പരിശോധന നടത്തിയത്.

എക്സൈസ് സർക്കിൾ ഇൻസ്പെക്ടർ മുഹമ്മദ്‌ റിയാസ് പി എം , പൊന്നാനി റെയ്ഞ്ച് ഇൻസ്പെക്ടർ ജിനീഷ് എക്സൈസ് ഇൻറലിജൻസ് ഉദ്യേഗസ്ഥൻ രാജേഷ്‌കുമാർ വി ആർ , പ്രിവന്റീവ് ഓഫീസർമാരായ ബാബുരാജ് കെ എം, ഗണേശൻ എ, പ്രമോദ് കെ എസ്, സിവിൽ എക്സൈസ് ഓഫീസർമാരായ പ്രമോദ് പി പി, മനോജൻ കെ പി, ഷാജു,ഡ്രൈവർ പ്രമോദ് എം, സിവിൽ പോലീസ് ഓഫീസർ പ്രശാന്ത് എന്നിവരുടെ നേതൃത്വത്തിലായിരുന്നു പരിശോധന.