മുൻ രാഷ്ട്രപതി ഡോ: എസ് രാധാകൃഷ്ണൻ്റെ സ്മരണകളുമായി ഐഡിയൽ കാമ്പസിൽ അധ്യാപക ദിനം ആചരിച്ചു:

എടപ്പാൾ: മുൻ രാഷ്ട്രപതി ഡോ: എസ് രാധാകൃഷ്ണൻ്റെ സ്മരണകളുമായി ഐഡിയൽ കാമ്പസിൽ അധ്യാപക ദിനം ആചരിച്ചു. വിവിധ പരിപാടികളോടെ നടന്ന അധ്യാപക ദിനാചരണം സീനിയർ പ്രിൻസിപ്പാൾ എഫ് ഫിറോസ് ഉദ്ഘാടനം ചെയ്തു.

ഐഡിയൽ സ്കൂളിൻ്റെ തുടക്കം മുതൽ നീണ്ട 27 വർഷമായി ഐഡിയൽ കാമ്പസിൽ അധ്യാപന രംഗത്ത് തുടരുന്ന സീനിയർ അധ്യാപിക ദേവി ടീച്ചറെ ഐഡിയൽ പ്രെമറി മോണ്ടിസോറി വിഭാഗം ആദരിച്ചു.

സി ബി എസ് ഇ സ്കൂളിലും സ്റ്റേറ്റ് സിലബസ് സ്കൂളിലും ക്ലാസുകളിൽ കുട്ടി ടീച്ചർമാർ ക്ലാസെടുത്തു. വിദ്യാർത്ഥികൾ അധ്യാപകരാവുക മാത്രമല്ല ടീച്ചേഴ് മീററിംഗും നടത്തിയാണ് പിരിഞ്ഞത്

2003 മുതൽ ഓരോ വർഷവും ഇടവിടാതെ തെരഞ്ഞെടുക്കാറുള്ള ഐഡിയൽ കാമ്പസിലെ ബസ്റ്റ് ടീച്ചർമാരെയും വിദ്യാർത്ഥികൾ ആദരിച്ചു.

ഹൈസ്കൂൾ എച്ച് എം ചിത്രഹരിദാസ് അധ്യക്ഷത വഹിച്ചു. സെന്തിൽ കുമരൻ ,സുപ്രിയ ഉണ്ണികൃഷ്ണൻ, പ്രിയ അരവിന്ദ്, ബിന്ദു മോഹൻ, ഉഷ കൃഷ്ണകുമാർ ,സിന്ധു ദിനേശ്, ബിന്ദു പ്രകാശ് പ്രസംഗിച്ചു.