പോത്തനൂരിൽ ലഹരിവിരുദ്ധ ക്യാമ്പയിന് ഔപചാരിക തുടക്കം കുറിച്ചു:

എടപ്പാൾ: കാലടി പഞ്ചായത്തിലെ 15,16വാർഡുകൾ കേന്ദ്രീകരിച്ചുകൊണ്ട് സംഘടിപ്പിക്കുന്ന ലഹരി വിരുദ്ധ പ്രവർത്തനങ്ങൾ ഇനി കവചം ക്യാമ്പയിൻ വഴി കൂടുതൽ ജനകീയമാകും. ജനപ്രതിനിധികളും കുടുംബശ്രീ പ്രവർത്തകരും വീട്ടമ്മമാരും ചേർന്നാണ് ഈ പദ്ധതിയ്ക്ക് രൂപം നൽകിയിട്ടുള്ളത്.

പോത്തനൂർ ജി യു പി സ്കൂളിലെ ഓഡിറ്റോറിയത്തിൽ വെച്ച് നൂറിലധികം കുടുംബശ്രീ പ്രവർത്തകരുടെ സാന്നിധ്യത്തിൽ നടന്ന ചടങ്ങ് ഔപചാരികമായി ഉത്ഘാടനം ചെയ്തത് റിട്ടിയർഡ് ജില്ലാ വിദ്യാഭ്യാസ ഓഫീസറായിരുന്ന പി.മോഹൻ മാസ്റ്ററാണ്. കാലടി ഗ്രാമപഞ്ചായത്ത് വൈസ് പ്രസിഡന്റ് ബൾക്കീസ്കൊരണപറ്റ അധ്യക്ഷതവഹിച്ചു. ഗ്രാമപഞ്ചായത്ത് അംഗം എ. ലെനിൻ സ്വാഗതം പറഞ്ഞു.

സൈക്കോ സോഷ്യൽ -സ്കൂൾ കൗൺസിലർ ദീപ ദിവാകരൻ മെന്റൽ സപ്പോർട്ടിങ് ക്ലാസ്സ്‌ നയിച്ചു. പൊന്നാനി ബ്ലോക്ക്‌ വികസനകാര്യ സ്റ്റാന്റിങ് കമ്മറ്റി ചെയർമാൻ ഇ.കെ ദിലീഷ് പ്രവർത്തന പരിപാടി അവതരിപ്പിച്ചു. കാലടി പഞ്ചായത്ത്‌ കുടുംബ ശ്രീ കമ്മ്യൂണിറ്റി കൗൺസിലർ ശ്രീജ, കാലടി സി ഡി എസ് പ്രസിഡന്റ് രമണി ആമ്പലിൽ, സജിനി എന്നിവർ സംസാരിച്ചു. ചടങ്ങിന് ചന്ദ്രിക പട്ടത്ത് വളപ്പിൽ നന്ദി പ്രകാശിപ്പിച്ചു.