വിദ്യാർത്ഥികൾക്കായി ബോധവൽക്കരണ പരിപാടി നടത്തി:

മറവഞ്ചേരി: ലോക ഓസോൺ ദിനത്തിന്റെ ഭാഗമായി മറവഞ്ചേരി ഹിൽടോപ് പബ്ലിക് സ്കൂളിൽ വെച്ച് സയൻസ് വിഭാഗത്തിന്റെ നേതൃത്വത്തിൽ വിദ്യാർത്ഥികൾക്കായി ബോധവൽക്കരണ പരിപാടി നടത്തി. ഓസോൺ പാളി സംരക്ഷിക്കേണ്ടതിന്റെ അനിവാര്യതയെക്കുറിച്ച് നാസ മീഡിയ റിസോഴ്‌സ് സെന്റർ അംഗമായ നാസ ഗഫൂർ വിദ്യാർത്ഥികളുമായി സംവദിച്ചു.

സ്കൂൾ പ്രിൻസിപ്പൽ ഝാൻസി പി.കെ, സ്കൂൾ ഭാരവാഹികളായ അബ്ദുള്ളക്കുട്ടി, ഹമീദ്. വി. വി, സ്കൂൾ ഹെഡ് ഗേൾ അയാന ദിൽഷാദ് എന്നിവരും പങ്കെടുത്തു.സയൻസ് വിഭാഗം കോഡിനേറ്റർ ശ്രീജിത്ത്, അധ്യാപകരായ ഹിമ, ധന്യ, എന്നിവർ പരിപാടിക്ക് നേതൃത്വം നൽകി. സയൻസ് ക്ലബ്ബ് അംഗമായ നന്ദിത നാസ ഗഫൂറിനെ വിദ്യാർത്ഥികൾക്ക് പരിചയപ്പെടുത്തി. സയൻസ് വിഭാഗം കോർഡിനേറ്റർ ശ്രീജിത്ത്‌ നന്ദി പറഞ്ഞു.