എസ് ഐ ശ്രീലഷിന് ജെ.സി.ഐ യുടെ ആദരം:

എടപ്പാൾ: വിശിഷ്ട സേവനത്തിനുള്ള മുഖ്യമന്ത്രിയുടെ പോലീസ് മെഡല്‍ നേടിയ എസ് ഐ ശ്രീലഷിനെ ആദരിച്ചു. ജോലിയിലെ കൃത്യതയും, കുറ്റവാളികളെ നിയമത്തിന്റെ മുന്നിൽ എത്തിക്കുന്നതിനുള്ള പരിശ്രമത്തിന്റെയും, അർപ്പണമനോഭാവത്തിന്റെയും അംഗീകാരമായാണ് മുഖ്യമന്ത്രിയുടെ പോലീസ് മെഡല്‍.

ജൂനിയർ ചേമ്പർ ഇൻറർനാഷണലിൻറെ ജൈത്ര (JCI) വാരാഘോഷങ്ങളുടെ പരിപാടിയിലാണ് പോലീസ് മെഡല്‍ ജേതാവിന് ആദരവേകിയത്. പെരുമ്പടപ്പ് സ്റ്റേഷനിൽ സേവനം ചെയ്തു വരുന്നു ഇദ്ദേഹം ചേകനൂർ സ്വദേശിയാണ്.

ജൂനിയർ ചേമ്പർ ഇന്റർനാഷണൽ എടപ്പാൾ ചാപ്റ്റർ പ്രസിഡൻറ് പി കെ മുഹമ്മദ് അഷ്റഫ് അധ്യക്ഷത വഹിച്ച ചടങ്ങിൽ സെക്രട്ടറി ഖലീൽ റഹ്മാൻ jci ഷാൾ അണിയിച്ചു. അദ്ദേഹത്തിനുള്ള പുരസ്കാര സമർപ്പണം പി കെ മുഹമ്മദ് അഷ്റഫ് നൽകി. ചടങ്ങിൽ സോൺ ഡയറക്ടർ പ്രകാശ് പുളിക്കപറമ്പിൽ , ജൈത്ര കോഡിനേറ്റർ വിപിൻ, എസ് ഐ പ്രീത ബാബു രാജഗോപാൽ, എന്നിവർ പങ്കെടുത്തു സംസാരിച്ചു.