അമൃത യുവ ധർമ്മ ധാരാ പുരസ്ക്കാരം കണ്ണൻ പന്താവൂരിന്:

എടപ്പാൾ: മാതാ അമൃതാനന്ദമയീ ദേവിയുടെ എഴുപതാം പിറന്നാൾ ദിനത്തോടനുബന്ധിച്ച് അമൃത യുവ ധർമ്മധാരയുടെ പുരസ്ക്കാരം കണ്ണൻ പന്താവൂരിന് ശ്രീ ശാസ്താ സ്കൂളിൽ വെച്ച് മാതാ അമൃതാനന്ദമയീ കുറ്റിപ്പാല മഠത്തിൻ്റെ ഭാരവാഹി കരുണൻ കാഞ്ഞിയൂർ പുരസ്ക്കാരം നൽകി ആദരിച്ചു. എടപ്പാൾ പ്രദേശത്ത് നിന്നും വർഷങ്ങളായി പത്രപ്രവർത്തന മേഖലയിൽ പ്രവർത്തിക്കുന്ന വ്യക്തിയാണ് കണ്ണൻ പന്താവൂർ.

വർഷങ്ങളായി കേരളകൗമുദി ദിനപത്രത്തിൻ്റെ എടപ്പാളിലെ പ്രാദേശിക ലേഖകനാണ് കണ്ണൻ പന്താവൂർ.കൂടാതെ അയ്യപ്പസേവാ സംഘത്തിൻ്റെ പ്രവർത്തന മേഖലയിലും കുറ്റിപ്പുറം മിനി പമ്പയിൽ വർഷങ്ങളായി നടന്നു വരുന്ന അന്നദാനം കോ-ഓർഡിനേറ്റർ, ചങ്ങരംകുളം ശ്രീശാസ്താ സ്കൂളിൻ്റെ സെക്രട്ടറിയും, പ്രാദേശിക പത്രപ്രവർത്തന സംഘടനയായ കേരള പത്രപ്രവർത്തക അസ്സോസിയേഷൻ്റെ സംസ്ഥാന സെക്രട്ടറിയും, വർഷങ്ങളായി എടപ്പാൾ പ്രസ്സ് റിപ്പോർട്ടേഴ്സ് ക്ലബ്ബിൻ്റെ പ്രസിഡൻ്റായും ഇപ്പോൾ സെക്രട്ടറിയായും കൂടാതെ മറ്റു സാമൂഹ്യ സാംസ്ക്കാരിക മേഖലയിലും പ്രവർത്തിക്കുന്ന വ്യക്തി കൂടിയാണ് കണ്ണൻ പന്താവൂർ.

മറ്റു മേഖലയിലെ കുറച്ച് പ്രമുഖ വ്യക്തിത്വങ്ങളെ കഴിഞ്ഞ ദിവസം കുറ്റിപ്പാല മാതാ അമൃതാനന്ദമയീ മഠത്തിൽ വെച്ച് ആദരിച്ചിരുന്നു. ഇന്നലെ ശ്രീ ശാസ്താ സ്കൂളിൽ വെച്ച് നടന്ന ചടങ്ങിൽ അയ്യപ്പസേവാസംഘം മലപ്പുറം ജില്ലാ സെക്രട്ടറി വി.വി.മുരളീധരൻ അദ്ധ്യക്ഷത വഹിച്ചു. സേവാ സംഘം ജില്ലാ ട്രഷറർ കെ.ഗോപാലകൃഷ്ണൻ സ്വാഗതം പറഞ്ഞു. സാമൂഹ്യ സാംസ്ക്കാരിക ജീവകാരുണ്യ പ്രവർത്തകനും പ്രവാസി വ്യവസായിയുമായ ഡോ: സർ, കെ.വി.കൃഷ്ണൻ യോഗം ഉദ്ഘാടനം ചെയ്തു.എം.ദിനേശൻ, ഷൺമുഖൻ മാസ്റ്റർ, രാജൻ ആലങ്കോട്, വർഷ ടീച്ചർ, അനിത ടീച്ചർ, ജ്യോതി ടീച്ചർ, രേഖ ടീച്ചർ, പ്രമീള ടീച്ചർ എന്നിവർ ആശംസകളർപ്പിച്ചു.