സെപ്റ്റംബർ 14 ഗ്രന്ഥശാലദിനം വട്ടംകുളം ഗ്രാമീണ വായനശാല സമുചിതമായി ആഘോഷിച്ചു:

എടപ്പാൾ: സെപ്റ്റംബർ 14 ഗ്രന്ഥശാല ദിനം വട്ടംകുളം ഗ്രാമീണ വായനശാല സമുചിതമായി ആഘോഷിച്ചു. രാവിലെ വായനശാല പ്രസിഡന്റ് ശങ്കരൻ മാസ്റ്റർ പതാക ഉയർത്തി.

വൈകുന്നേരം വായനശാലയിൽ സംഘടിപ്പിച്ച ഗ്രന്ഥശാല സംരക്ഷണ സദസ്സ് പൊന്നാനി താലൂക്ക് ലൈബ്രറി കൗൺസിലിന്റെ പ്രസിഡന്റ് വി.വി.രാമകൃഷ്ണൻ മാസ്റ്റർ ഉദ്ഘാടനം ചെയ്തു.

ഈ വർഷത്തെ വായന പക്ഷത്തോടനുബന്ധിച്ച് തയ്യാറാക്കിയ സർഗ്ഗദേശം പതിപ്പ് പ്രകാശനവും ചടങ്ങിൽ വെച്ച് നടന്നു. എടപ്പാൾ ഗിരീഷ് ഇയ്യിടെ പ്രസിദ്ധീകരിച്ച ഓർമകളുടെ പുനർജ്ജനി എന്ന കഥാ സമാഹാരത്തിന്റെ ഒരു ചർച്ച വായനശാല അംഗവും സാഹിത്യകാരനുമായ സിറാജിന്റെ നേതൃത്വത്തിൽ നടന്നു.

സന്ധ്യക്ക് അക്ഷര ജ്വാല തെളിയിച്ചു കൊണ്ടാണ് ഗ്രന്ഥശാല ദിനാഘോഷം അവസാനിച്ചത്. വായനശാല വൈസ് പ്രസിഡന്റ് പി.വി നാരായണൻ അദ്ധ്യക്ഷനായിരുന്നു. സെക്രട്ടറി ദിവാകരൻ സ്വാഗതവും കുമാരൻ നന്ദിയും പറഞ്ഞു.