ബാലമിത്ര മലപ്പുറം ജില്ല തല ഉദ്ഘാടനം എടപ്പാൾ സാമൂഹികാരോഗ്യ കേന്ദ്രത്തിൽ നടന്നു:

എടപ്പാൾ: 2 വയസ്സ് മുതൽ 18 വയസ്സ് വരെയുള്ള കുട്ടികളിലെ കുഷ്ഠരോഗ നിർണ്ണയം നടത്തുകയും രോഗം കണ്ടെത്തുന്നവർക്ക് സൗജന്യ ചികിത്സ ഉറപ്പ് വരുത്തുകയും ചെയ്യുന്ന പദ്ധതി ബാലമിത്ര മലപ്പുറം ജില്ല തല ഉദ്ഘാടനം എടപ്പാൾ സാമൂഹികാരോഗ്യ കേന്ദ്രത്തിൽ നടന്നു. എടപ്പാൾ ഗ്രാമ പഞ്ചായത്ത് പ്രസിഡൻ്റ് സി.വി.സുബൈദ ഉദ്ഘാടനം ചെയ്തു. പൊന്നാനി ബ്ലോക്ക് പഞ്ചായത്ത് വൈ. പ്രസിഡൻ്റ് ആർ.ഗായത്രി അധ്യക്ഷത വഹിച്ചു.

ജില്ലാ മാസ് മീഡിയ ഓഫീസർ പി.രാജു മുഖ്യാഥിതിയായി. ജില്ല അസിസ്റ്റൻറ് ലെപ്രസി ഓഫീസർ സി.ആർ.രാജമോഹൻ ക്ലാസ്സുകൾക്ക് നേതൃത്വം നൽകി. വട്ടംകുളം ഗ്രാമപഞ്ചായത്ത് പ്രസിഡൻറ് കഴുങ്കിൽ മജീദ്, ബ്ലോക്ക് മെഡിക്കൽ ഓഫീസർ Dr. വിജിത്ത് വിജയശങ്കർ,എ ടപ്പാൾ സാമൂഹികാരോഗ്യകേന്ദ്രം മെഡിക്കൽ ഓഫീസർ Dr. ജാസ്മിൻ യൂസഫ്, സി.ആർ.ശിവപ്രസാദ്, ജിജ ഷാജി, ടി.ആൻഡ്രൂസ്, ടി.എം.ഗംഗാധരൻ, സാവിത്രി ടീച്ചർ എന്നിവർ പ്രസംഗിച്ചു.

സ്കൂൾ അംഗനവാടികൾ എന്നിവിടങ്ങളിൽ ആരോഗ്യ പ്രവർത്തകർ നേതൃത്വത്തിൽ സന്ദർശനം നടത്തി കുട്ടികളിലെ കുഷ്ഠരോഗം നേരത്തെ കണ്ടെത്തുകയും തടയുകയും ചികിത്സയിലൂടെ അംഗവൈകല്യം തടയുകയും ചെയ്യുന്ന പരിപാടിയാണ് ബാലമിത്ര.