നിർമ്മിത ബുദ്ധിയും വിദ്യാഭ്യാസത്തിന്റെ ഭാവിയും; സെമിനാർ നടത്തി:

എടപ്പാൾ: നിർമ്മിത ബുദ്ധിയും വിദ്യാഭ്യാസത്തിന്റെ ഭാവിയും എന്ന വിഷയത്തിൽ ഐ. എച്ച്. ആർ. ഡി. തിരുവനന്തപുരത്തു സംഘടിപ്പിക്കുന്ന രാജ്യാന്തര സമ്മേളനത്തിന്റെ ഭാഗമായി വട്ടംകുളം അപ്പ്ലൈഡ് സയൻസ് കോളേജിൽ നിർമ്മിത ബുദ്ധിയുമായി ബന്ധപ്പെട്ട്‌, സെമിനാർ നടത്തി. വട്ടംകുളം ഗ്രാമപഞ്ചായത് പ്രസിഡന്റ് ശ്രീ കഴുങ്ങിൽ മജീദ് സെമിനാർ ഉൽഘാടനം ചെയ്തു. സ്റ്റാഫ്‌ പ്രതിനിധി ശ്രീ ഗോപാലകൃഷ്ണൻ യു.കെ എ സ്വാഗതം പറഞ്ഞ ചടങ്ങിൽ പ്രിൻസിപ്പാൾ ശ്രീ അബ്ദുസ്സമദ് പി അധ്യക്ഷത വഹിച്ചു.

വകുപ്പ് മേധാവികളായ ശ്രീ വേണു സി , രനില ഒ.പി എന്നിവർ ആശംസാ പ്രസംഗം നടത്തി. കമ്പ്യൂട്ടർ സയൻസ് അധ്യാപകൻ ശ്രീ ഹരി.സി.എം. വിഷയാവതരണം നടത്തി. ഇലക്ട്രോണിക്‌സ് അധ്യാപിക ഷാദിയ പി നന്ദി പ്രകാശിപ്പിച്ചു. കൊച്ചി ആക്ക്വിനാസ് കോളേജ് ഇലക്ട്രോണിക്സ് വിഭാഗം മേധാവി. ഡോ.വിജോ.എം.ജോയ്‌ ക്ലാസ്സ്‌ നയിച്ചു. കാലിക്കറ്റ് യൂണിവേഴ്‌സിറ്റി കമ്പ്യൂട്ടർ സെന്റർ മേധാവി ഡോ.ലജീഷ് ഓൺലൈനായി പരിപാടിയിൽ പങ്കെടുത്തു.തുടർന്ന് വിദ്യാർഥികൾ വികസിപ്പിച്ചെടുത്ത എ. ഐ ആപ്പുകളുടെ പരിചയപ്പെടത്തലും നടന്നു.