സംസ്ഥാന റോളർ നെറ്റഡ് ബോൾ ചാമ്പ്യൻഷിപ്പ് -2023 മത്സരം ഹിൽടോപ് പബ്ലിക് സ്കൂളിൽ:

എടപ്പാൾ : കേരള റോളർ നെറ്റഡ് ബോൾ അസോസിയേഷന്റെ ആഭിമുഖ്യത്തിൽ സംഘടിപ്പിക്കുന്ന ആറാമത് സംസ്ഥാന റോളർ നെറ്റഡ് ബോൾ ചാമ്പ്യൻഷിപ്പ് മത്സരം ഒക്ടോബർ 1,2 തീ യ്യതികളിൽ മലപ്പുറം ജില്ലയിലെ കുറ്റിപ്പുറം ഹിൽ ടോപ്പ് പബ്ലിക് സ്കൂൾ മറവഞ്ചേരിയിൽ വച്ച് നടത്തപ്പെടുന്നു.

കുറ്റിപ്പുറം പോലീസ് സർക്കിൾ ഇൻസ്പെക്ടർ ശ്രീ പി .കെ പത്മരാജൻ മൽസരം ഉദ്ഘാടനം ചെയ്യുന്നതാണ്. കൂടാതെ ചടങ്ങിൽ തവനൂർ ഗ്രാമപഞ്ചായത്ത് വൈസ് പ്രസിഡൻറ് ശിവദാസ് എന്ന ബാബു, മറ്റു പ്രമുഖ വ്യക്തികളും പങ്കെടുക്കുന്നു. സംസ്ഥാനത്തിന്റെ വിവിധ ജില്ലകളിൽ നിന്നായി ആയിരത്തോളം മത്സരാർത്ഥികൾ മാറ്റുരയ്ക്കുന്ന ഈ മത്സരവേദിയിലേക്ക് മാധ്യമപ്രവർത്തകരെയും മറ്റ് അഭ്യുദയകാംക്ഷികളേയും സാദരം ക്ഷണിക്കുന്നു. വാർത്താ സമ്മേളനത്തിൽ റോളർ നെറ്റഡ് ബോൾ അസോസിയേഷന്റെ സംസ്ഥാന സമിതി അംഗം ശ്രീ ഹനീഫ കെ , ഹിൽടോപ് പബ്ലിക് സ്കൂൾ പ്രിൻസിപ്പൽ ശ്രീമതി ജാൻസി പി. കെ മാനേജർ ശ്രീ എ.മുസ്തഫ തങ്ങൾ, സ്കൂൾ ഗവേണിങ് ബോഡി സെക്രട്ടറി ശ്രീ പി.കെ മരക്കാർ എന്നിവർ പങ്കെടുത്തു.