പ്രായം മറന്നൊരു ദഫ് മുട്ട്; പന്താവൂർ ഹയാത്തുൽ ഇസ്ളാം മദ്രസയുടെ നബി ദിന പരിപാടിയിൽ വേറിട്ട കാഴ്ചയായി:

എടപ്പാൾ: പന്താവൂരിലെ കർഷകനായ ഹുസ്സൻ കൊല്ലത്ത് പറമ്പിൽ 74 വയസ്സുകാരനും , കർഷകനായ അബ്ദു റഹിമാൻ കൊല്ലത്തുപറമ്പിൽ 65 വയസ്സ്കാരനും , അഷറഫ് കുറ്റിയിൽ 52 വയസ്സുകാരനും, ഇബ്രാഹിം കൊല്ലത്ത് പറമ്പിൽ 42 വയസ്സുകാരനും, തൊഴിലുറപ്പ് തൊഴിലാളിയായ മതിൽ പറമ്പിൽ മുജീബ് 52 വയസ്സുകാരനും പ്രവാസിയായിരുന്ന അബ്ദുറഹ്മാൻ എൻ.വി 62 വയസ്സുകാരനും , പ്രവാസിയും ഹോട്ടൽ തൊഴിലാളിയുമായ ജമാൽ മണക്കടവത്ത് 48 വയസ്സുകാരനും, പ്രവാസിയായിരുന്ന ഷാജി കൊടക്കാട്ടുവളപ്പിൽ 45 വയസ്സുകാരനും, പ്രവാസിയായ കൊടക്കാട്ടുവളപ്പിൽ ഇബ്രാഹിം 42 വയസ്സുകാരനും, പ്രവാസിയായ ചേലാക്കൽ മുജീബ് 45 വയസ്സുകാരനും, ചീനിക്കപ്പറമ്പിൽ മൊയ്തുണ്ണി എന്ന കുഞ്ഞിപ്പ 52 വയസ്സുകാരനും, അഴകത്ത് വളപ്പിൽ നാസറും ദഫ് മുട്ട് പഴയ ഓർമകളോടെ ചുവട്‌വച്ചപ്പോൾ ഒരു കാലത്തു നമ്മുടെ ഒക്കെ നാട്ടിൽ കല്യാണവീടുകളിലും മറ്റും ആടിയും പാടിയും ദഫ് മുട്ട് തകർത്തിരുന്ന കാലങ്ങളിലേക്കവർ ആവേശത്തോടെ മടങ്ങി.

വർഷങ്ങൾക്ക് മുന്നേ പഠിച്ചെടുത്ത കളിയാണ് മക്കളുടേയും മരുമക്കളുടേയും പേരക്കുട്ടികളുടേയും ഭാര്യയുടേയും കൂടാതെ നാട്ടുകാർക്ക് മുന്നിലും ദഫ് മുട്ട് അവതരിപ്പിച്ച് ശ്രദ്ധേയമായത്.മൊയ്തീൻ കുട്ടിയും നൗഫൽ നിസാമിയും ദഫ്മുട്ടിനുള്ള പാട്ടുകൾ ഈണത്തോടെ ചൊല്ലി കാതിന് ഇമ്പമേകുകയും ചെയ്തു.

പരിപാടികൾ വീക്ഷിച്ച തങ്ങളുടെ കുട്ടികൾക്ക് പ്രത്യേക അനുഭവമായെന്നും കുട്ടികൾ സന്തോഷത്തോടെ പറയുകയും ചെയ്തു.