ഭാഷാപണ്ഡിതനും അക്ഷരശ്ലോക വിദഗ്ദ്ധനുമായിരുന്ന ശ്രീ. സി.എൻ. നമ്പീശൻ മാഷെ അനുസ്മരിച്ചു:

എടപ്പാൾ: വിവിധ ഭാഷാപണ്ഡിതനും അക്ഷരശ്ലോക വിദഗ്ദ്ധനും വട്ടംകുളത്തിന്റെ അഭിമാനവുമായിരുന്ന ശ്രീ.സി. എൻ. നമ്പീശൻ മാഷെ ശിഷ്യരും സുഹൃത്തുക്കളും സാദരം അനുസ്മരിച്ചു. ചെമ്പുഴയിൽ ചേർന്ന മാഷുടെ ധർമ്മ പത്നി രാധ ബ്രാബഹ്മണിയമ്മ ദീപം തെളിയിച്ചു.

ഒറ്റപ്പാലം ചുനങ്ങാട് അമൃതഭാരതി അക്ഷരശ്ലോക കലാ കേന്ന്ദ്രം ഡയറക്ടർ ശ്രീ രാമചന്ദ്ര അയ്യർ യോഗവും അക്ഷര ശ്ലോക സദസ്സും ഉദ്ഘാടനം ചെയ്തു. യോഗത്തിൽ മാഷുടെ പ്രിയ ശിഷ്യൻ ഭാവത്രാതൻ അനുസ്മരണം നടത്തി, തുടർന്ന് പ്രഗത്ഭരും നവാഗതരും പങ്കെടുത്ത അക്ഷരശ്ലോക സദസ്സും ഉണ്ടായി.

ഉച്ചക്ക് ശേഷം നടന്ന ഹിന്ദി സെമിനാറിൽ “ഹിന്ദി കവിതകളുടെ പരിണാമങ്ങൾ” എന്ന വിഷയത്തെക്കുറിച്ച് മലബാർ കോളേജ് ഓഫ് കോമേഴ്‌സ് HOD Dr. സതി പ്രഭാഷണം നടത്തി. ശ്രീ. പ്രകാശൻ മാസ്റ്റർ,ഇ. ശങ്കരൻ, പി. എൻ. ദിവാകരൻ, കെ.ആർ സാവിത്രി, ആശ, അജിതൻ പള്ളിപ്പാട്,വി ടി നന്ദൻ തുടങ്ങിയവർ സംസാരിച്ചു. ആനന്ദൻ ചെമ്പുഴ സ്വാഗതവും പി വി നാരായണൻ നന്ദിയും പറഞ്ഞു.