നന്നംമുക്ക് പഞ്ചായത്ത് ഹെൽത്ത് സെൻ്ററിൻ്റെ ശോച്യാവസ്ഥക്ക് ഉടൻ പരിഹാരം കാണണമെന്ന് ബി ജെ പി :

ചങ്ങരംകുളം: നന്നംമുക്ക് പഞ്ചായത്ത് ഹെൽത്ത് സെൻ്ററിൻ്റെ ശോച്യാവസ്ഥക്ക് ഉടൻ പരിഹാരം കാണണമെന്നും എത്രയും പെട്ടെന്ന് പണിപൂർത്തീകരിച്ച പുതിയ കെട്ടിടത്തിലേക്ക് പ്രവർത്തനം മാറ്റണമെന്നും പൊതുജനങ്ങളും, രോഗികളും, ജീവനക്കാരും അനുഭവിക്കുന്ന പ്രയാസങ്ങൾ പരിഹാരം കാണണമെന്നും ജീവനക്കാരുടെ കുറവ് ഉടൻ പരിഹരിക്കണമെന്നും ആവശ്യപ്പെട്ടു കൊണ്ട് ബി ജെ പി നന്നംമുക്ക് പതിമൂന്നാം വാർഡ് കമ്മറ്റിയുടെ നേതൃത്വത്തിൽ പി.എച്ച്.സി യുടെ മുന്നിൽ നടന്ന പ്രതിഷേധ ധർണ്ണ ബി.ജെ. പി. സംസ്ഥാന കമ്മറ്റി അംഗം കെ.കെ. സുരേന്ദ്രൻ ഉൽഘാടനം ചെയ്തു.

വാർഡ് മെമ്പർ സബിത വിനയകുമാർ, ബി.ജെ.പി. ബൂത്ത് പ്രസിഡൻ്റ് അനീഷ് പി.പി, ജനാർദ്ധനൻ പട്ടേരി, അനീഷ് മൂക്കുതല, വിനയൻ വാഴുള്ളി, രഞ്ജു മൂക്കുതല തുടങ്ങിയവർ പ്രസംഗിച്ചു.