സൗജന്യ ആയൂര്‍വേദ മെഡിക്കല്‍ ക്യാമ്പും ഔഷധവിതരണവും ശനിയാഴ്ച:

എടപ്പാള്‍: ശുകപുരം യോഗക്ഷേമസഭ വനിതാസഭയുടെ ആഭിമുഖ്യത്തില്‍ ഷൊര്‍ണൂര്‍ വിഷ്ണു ആയൂര്‍വേദ കോളേജിന്റെ സഹകരണത്തോടെ ശനിയാഴ്ച രാവിലെ 9മുതല്‍ ഒന്നുവരെ വട്ടംകുളം സിപിഎന്‍യൂപി സ്‌കൂളില്‍ സൗജന്യ ആയൂര്‍വേദ മെഡിക്കല്‍ ക്യാമ്പും ഔഷധവിതരണവും നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു. വിഷ്ണു ആയൂര്‍വേദ കോളേജ് പ്രിന്‍സിപ്പാള്‍ ഡോ. എം ഉസ്മാന്‍ ഉദ്ഘാടനം ചെയ്യും. വട്ടംകുളം പഞ്ചായത്തംഗം എം എ നജീബ് അധ്യക്ഷനാകും. വാര്‍ത്താസമ്മേളനത്തില്‍ ശുകപുരം ഉപസഭ പ്രസിഡന്റ് ഡോ. കിരാതമൂര്‍ത്തി, സെക്രട്ടറി എം ശ്രീരാമനുണ്ണി, ട്രഷറര്‍ പന്താവൂര്‍ കൃഷ്ണന്‍ നമ്പൂതിരി, വനിതാസഭ പ്രസിഡന്റ് വത്സല മുല്ലപ്പിള്ളി, വനിതാസഭ ജില്ലാ പ്രസിഡന്റ് പി സി ഉഷ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു