രോഗപ്രതിരോധ കുത്തിവെപ്പ് എടുത്ത പിഞ്ചോമനകളെയും രക്ഷിതാക്കളേയും ആദരിച്ചു:

എടപ്പാൾ : കുത്തിവെപ്പ് എടുത്ത കുഞ്ഞുങ്ങൾക്കായി “സ്നേഹ കരുതൽ ” പരിപാടി. യഥാസമയം രോഗപ്രതിരോധ കുത്തിവെപ്പ് എടുത്ത പിഞ്ചോമനകളെയും രക്ഷിതാക്കളേയും പരിപാടിയുടെ ഭാഗമായി ആദരിച്ചു.  പാലപ്ര ജനകീയ ആരോഗ്യ കേന്ദ്രത്തിൻ്റെ നേതൃത്വത്തിലാണ് പരിപാടി സംഘടിപ്പിച്ചത്. വാർഡ് ആരോഗ്യ ശുചിത്വ സമിതിയുടെ സഹകരണത്തോടെ സംഘടിപ്പിച്ച “സ്നേഹ കരുതൽ ” പരിപാടി പഞ്ചായത്ത് ക്ഷേമകാര്യ സ്റ്റാൻ്റിംങ്ങ് കമ്മിറ്റി ചെയർപേഴ്സൻ ഷീജ.വി.പി ഉദ്ഘാടനം ചെയ്തു.

വാർഡ് അംഗം അക്ബർ പനച്ചിക്കൽ അദ്ധ്യക്ഷതവഹിച്ചു. മെസിക്കൽ ഓഫീസർ ഡോ. ഫസൽ മുഹമ്മദ് എം.എച്ച്,ദിലീപ് എരുവപ്ര, പി.വി ഉണ്ണിക്കൃഷ്ണൻ, സി.പി.ശാന്ത, രാജേഷ് പ്രശാന്തിയിൽ, കെ.വി. കുമാരൻ, രായിൻകുട്ടി .കെ, അച്ചുതൻ കുട്ടി.എൻ, മാലതി .എം എന്നിവർ പ്രസംഗിച്ചു.

ലോക പ്രതിരോധ കുത്തിവെപ്പ് ദിനാചരണത്തിൻ്റെ ഭാഗമായാണ് പരിപാടി സംഘടിപ്പിച്ചത്. കുഞ്ഞുങ്ങൾക്കും രക്ഷിതാക്കൾക്കുമുള്ള ഉപഹാരം ക്ഷേമകാര്യ ചെയർപേഴ്സൺ ഷീജ വി.പി’മെഡിക്കൽ ഓഫീസർ ഡോഫസർ മുഹമ്മദ് എന്നിവർ നൽകി ആദരിച്ചു.